पनवेल तालुक्यात 197 नवीन रुग्ण

सात जणांचा मृत्यू; 167 रुग्णांची कोरोनावर मात

पनवेल : प्रतिनिधी

पनवेल तालुक्यात गुरुवारी (दि. 16) 197 नवीन रुग्ण आढळले असून सात जणांचा मृत्यू झाला आहे तर 167  रुग्णांनी कोरोनावर मात केली आहे. पनवेल महापालिका हद्दीत  पुन्हा विक्रमी वाढ झाली आहे. दिवसभरात 134 नवीन कोरोनाबाधित रुग्णांची नोंद झाली असून सात जणांचा मृत्यू झाला आहे तर 139  रूग्ण बरे झाल्याने त्यांना रूग्णालयातून घरी सोडण्यात आले आहे. पनवेल ग्रामीणमध्ये 63 नवीन कोरोनाबाधित रूग्णांची नोंद झाली असून 28 रुग्णांनी कोरोनावर मात केल्याने त्यांना घरी पाठवण्यात आले आहे.

पनवेल महापालिका क्षेत्रात  134  नवीन रुग्ण आढळले. पनवेल महापालिका क्षेत्रात सात व्यक्तींचा मृत्यू झाला. त्यापैकी  नवीन पनवेलमधील सेक्टर 3 मल्हार सोसायटी, 9 श्री गणेश प्लाझामधील व्यक्ती, पनवेलमधील तक्का, मालधक्का झोपडपट्टी, गुरुकृपा सोसायटी, कामोठे येथील सेक्टर 10 मधील सद्गुरु कृपा सोसायटी, आणि कळंबोली सेक्टर 4 ई कैलास कॉम्प्लेक्समधील एका  व्यक्तीचा कोरोनामुळे मृत्यू झाला आहे.

गुरुवारी आढळलेल्या रुग्णांत कळंबोलीत 21 नवीन रुग्ण आढळल्याने तेथील रुग्णांची संख्या 759 झाली आहे. कामोठेमध्ये 19 नवीन रुग्ण आढळल्याने तेथील रुग्णांची संख्या 955 झाली आहे. खारघरमध्ये 22 नवीन रुग्ण आढळल्याने तेथील रुग्णांची संख्या 875 झाली आहे. नवीन पनवेलमध्ये 25 नवीन रुग्ण आढळल्याने तेथील रुग्णांची संख्या 704 झाली आहे. पनवेलमध्ये 32 नवीन रुग्ण आढळल्याने तेथील रुग्णांची संख्या 914 झाली आहे. तळोजामध्ये 15 नवीन रुग्ण आढळल्याने तेथील रुग्णांची संख्या 262 झाली आहे. पनवेल महापालिका क्षेत्रात एकूण 4469 रुग्ण झाले असून 2890 रुग्ण बरे झाले आहेत. रुग्ण बरे होण्याचे प्रमाण 64.67  टक्के आहे. 1472 रुग्णांवर सध्या उपचार सुरू आहेत. आजपर्यंत 107 जणांचा मृत्यू झाला आहे. पनवेल ग्रामीण भागात कोरोनाचे नवीन 63 रुग्ण आढळले आहेत. त्यामध्ये उलवे नऊ, करंजाडे आठ, सुकापूरमधील पाच रुग्णांचा समावेश आहे. तसेच 28 रुग्णांनी कोरोनावर मात केली आहे.

नवी मुंबईत 273 जण कोरोनाबाधित

नवी मुंबई : बातमीदार

नवी मुंबईत गुरुवारी 273 जणांचा अहवाल कोरोना पॉझिटिव्ह आला. त्यामुळे कोरोना बधितांची एकूण संख्या 10 हजार 546 झाली आहे. 170 जण कोरोनामुक्त झाल्याने बरे झालेल्यांची एकूण संख्या सहा हजार 520 झाली आहे. गुरुवारी चार जणांचा मृत्यू झाल्याने मृतांची संख्या 322 झाली आहे.

नवी मुंबईत आतापर्यंत 27 हजार 713 व्यक्तींची कोरोना चाचणी करण्यात आली असून त्यापैकी 16 हजार 740 जणांची चाचणी निगेटिव्ह आली आहे. सद्य स्थितीत नवी मुंबईत तीन हजार 704 रुग्ण उपचार घेत आहेत. गुरुवारी आढळलेल्या रुग्णांची विभागवार आकडेवारी पाहता बेलापूर 50, नेरुळ 48, वाशी 19, तुर्भे 23, कोपरखैरणे 51, घणसोली 35, ऐरोली 40 व दिघा 7 असा समावेश आहे.