Breaking News

महेंद्रसिंह धोनीचा आंतरराष्ट्रीय क्रिकेटला अलविदा

मुंबई ः भारताचा माजी कर्णधार आणि यष्टीरक्षक महेंद्रसिंह धोनीने आंतरराष्ट्रीय क्रिकेटमधून निवृत्ती जाहीर केली आहे. अनेक दिवसांपासून त्याच्या निवृत्तीच्या चर्चा रंगल्या होत्या. अखेर 15 ऑगस्टच्या दिवशीच धोनीने आंतरराष्ट्रीय क्रिकेटमधून निवृत्ती जाहीर केली. आतापर्यंतच्या टीम इंडियाच्या यशस्वी कर्णधारांपैकी एक म्हणून धोनीचा लौकिक आहे. त्याचा हेलिकॉप्टर शॉट असो किंवा त्याने अनेकदा हातातून गेली अशी वाटणारी जिंकलेली मॅच असो धोनीचा खेळ क्रिकेटरसिक कधीही विसरणार नाहीत. 2019च्या विश्वचषकात भारताचे आव्हान उपांत्य फेरीत संपुष्टात आल्यानंतर तत्कालीन निवड समितीने धोनीला नंतर स्थान दिले नाही. संपूर्ण स्पर्धेत धोनीची संथ खेळी चर्चेत होती. 2019च्या विश्वचषकानंतरच धोनी आंतरराष्ट्रीय क्रिकेटला रामराम करणार होता, परंतु विराट कोहली व प्रशिक्षक रवी शास्त्री यांनी त्याला निवृत्तीचा निर्णय पुढे ढकलायला सांगितले होते.

Check Also

खासदार श्रीरंग बारणे यांच्या रूपाने पंतप्रधान नरेंद्र मोदींचे हात बळकट करा

माजी खासदार लोकनेते रामशेठ ठाकूर यांचे आवाहन पनवेल : रामप्रहर वृत्त पिंपरी-चिंचवडकर खासदार श्रीरंग बारणे …

Leave a Reply