पोलिसांना च्यवनप्राशचे वाटप

नवी मुंबई : बातमीदार

नवी मुंबईतील क्रिएटिव्ह फाउंडेशन या तरुणांच्या संघटनेने कोविड योद्धा म्हणून या संकटकाळात सेवा बजावणार्‍या पोलिसांना च्यवनप्राशचे वाटप केले. सध्या पावसाळ्याचे दिवस आहेत. पावसाची तमा न बाळगता पोलीस या साथरोग काळात सेवा बजावत  आहेत. सेवा बजावताना अनेक पोलिसांना कोरोनाची बाधा झाली आहे. मात्र तरीही ते सेवा बजावत आहेत. अशा पोलिसांकरिता रोगप्रतिकारक शक्ती वाढवण्यासाठी चवनप्राशच्या 40 ते 50 डब्यांचे वाटप करण्यात आले. या वेळी क्रिएटिव्ह फाउंडेशनचे नवी मुंबईतील सदस्य उपस्थित होते.