रायगडात 489 नवे कोरोना पॉझिटिव्ह; 14 रुग्णांचा मृत्यू

पनवेल ः रामप्रहर वृत्त
रायगड जिल्ह्यात बुधवारी (दि. 26) 489 नव्या कोरोना रुग्णांची नोंद झाली असून 14 जणांचा कोरोनामुळे मृत्यू  झाला. दुसरीकडे 393 जण दिवसभरात बरे झाले आहेत. मृत रुग्णांमध्ये पनवेल तालुक्यातील पाच, उरण तीन, खालापूर दोन तसेच पेण, अलिबाग, सुधागड, महाड तालुक्यातील प्रत्येकी एकाचा समावेश आहे, तर पॉझिटिव्ह रुग्ण पनवेल तालुक्यात 252, अलिबाग 50, पेण 40, उरण 30, खालापूर 25, महाड 24, माणगाव 20, कर्जत 19, रोहा 11, सुधागड सात, मुरूड चार, म्हसळा व पोलादपूर प्रत्येकी तीन, तळा एक असे आहेत.