पनवेल ः रामप्रहर वृत्त
रायगड जिल्ह्यात नव्या 123 कोरोना रुग्णांची आणि दोन रुग्णांच्या मृत्यूची नोंद रविवारी (दि. 1) झाली, तर दिवसभरात 124 रुग्ण बरे झाले आहेत. पॉझिटिव्ह आढळलेल्या रुग्णांमध्ये पनवेल (मनपा 83 व ग्रामीण 17) तालुक्यातील 100, पेण सात, अलिबाग सहा, कर्जत, खालापूर, रोहा व महाड प्रत्येकी दोन आणि माणगाव व श्रीवर्धन तालुक्यातील प्रत्येकी एकाचा समावेश आहे, तर मयत झालेले रुग्ण पनवेल व अलिबाग तालुक्यात प्रत्येकी एक असे आहेत. नव्या रुग्णांमुळे जिल्ह्यातील कोरोनाबाधितांचा एकूण आकडा 54,122 आणि मृतांची संख्या 1554 झाली आहे. आतापर्यंत 51,239 जण कोरोनामुक्त झाल्याने 1329 विद्यमान रुग्ण आहेत.