खोपोली सायमाळ गावाजवळ अपघात

एक गंभीर, तर पाच जण किरकोळ जखमी

खोपोली : प्रतिनिधी

मुंबई-पुणे महामार्गावरील सायमाळ गावाजवळ चालकाचे नियंत्रण सुटल्याने शुक्रवारी (दि. 5) दुपारी दूधाच्या टँकरने क्रेटा कार आणि दुचाकीस्वारला धडक दिली. या अपघातात एक प्रवासी गंभीर तर पाच जण किरकोळ जखमी झाले.

दुधाचा टँकर मुंबई-पुणे महामार्गावरून जात असताना शुक्रवारी दुपारी 12.15 वाजण्याच्या दरम्यान सायमाळ गावाजवळ चालकाचे नियंत्रण सुटले व टँकरने क्रेटा कार आणि दुचाकीस्वारला धडक दिली. या अपघातातक्रेटा कारमधील एक प्रवासी गंभीर जखमी आणि दोन जण किरकोळ तर टँकरमधील दोन जण आणि एक दुचाकीस्वार किरकोळ जखमी झाला. यांना त्वरित खोपोली आणि कमोठे येथील रुग्णालय नेण्यात आले. जखमींची नावे समजली नाहीत.