मुंबई विद्यापीठाच्या सांस्कृतिक स्पर्धेत सीकेटी महाविद्यालयाला विजेतेपद

नवीन पनवेल : रामप्रहर वृत्त

जनार्दन भगत शिक्षण प्रसारक संस्थेच्या नवीन पनवेल येथील चांगू काना ठाकूर (सीकेटी) आर्ट्स, कॉमर्स अ‍ॅन्ड सायन्स महाविद्यालय (स्वायत्त) यांनी 53व्या आंतर महाविद्यालयीन युवा महोत्सव रायगड (उत्तर) विभागीय सांस्कृतिक स्पर्धेमध्ये सलग 15व्या वर्षी प्रमुख विजेतेपद पटकाविले आहे. सर्वाधिक नऊ पारितोषिके प्राप्त करून आपल्या देदिप्यमान यशाची परंपरा सीकेटी महाविद्यालयाने  कायम राखली. दरवर्षी होणारा ‘युवा महोत्सव’ ही मुंबई विद्यापीठाची स्पर्धा यावर्षी कोरोना काळात ऑनलाइन पध्दतीने घेण्यात आली. त्यामुळे ही स्पर्धा या वेळी फक्त 10 वैयक्तिक स्पर्धा प्रकारामध्ये घेण्यात आली. रायगड (उत्तर) जिल्हा यातील एकूण 16 महाविद्यालये सहभागी झाली होती. या स्पर्धांमध्ये अभिनय, साहित्य, फाईन आर्ट्स व संगीत या क्षेत्रातील एकूण 10 स्पर्धा घेण्यात आल्या. चांगू काना ठाकूर महाविद्यालयाने सर्व स्पर्धा प्रकारांमध्ये सहभाग घेतला होता. जाहीर झालेल्या स्पर्धांच्या निकालांपैकी चांगू काना ठाकूर महाविद्यालयाने नऊ वैयक्तिक पारितोषिके प्राप्त केली. या नऊ पारितोषिकांपैकी चार प्रथम क्रमांकाची पारितोषिके, चार द्वितीय क्रमांकाची आणि एक तृतीय क्रमांकाचे पारितोषिक आहे. सन 2005 ते 2021 या 15 वर्षांमध्ये चांगू काना ठाकूर (स्वायत्त) महाविद्यालयाने या स्पर्धामध्ये सर्वाधिक पारितोषिके प्राप्त करत प्रमुख विजेतेपद पटकावले आहे. या वर्षीही ऑनलाइन पद्धतीने घेण्यात आलेल्या या स्पर्धांत सर्वाधिक पारितोषिके प्राप्त करून सांस्कृतिक क्षेत्रात रायगड जिल्ह्यात निर्विवाद वर्चस्व प्राप्त केले आहे. सर्व पारितोषिक विजेते विद्यार्थी, महाविद्यालयाचा सांस्कृतिक चमू व सांस्कृतिक विभागप्रमुख प्रा. डॉ. आर. व्ही. येवले आणि सांस्कृतिक समन्वयक गणेश जगताप यांचे या देदीप्यमान यशाचे जनार्दन भगत शिक्षण प्रसारक संस्थेचे चेअरमन, माजी खासदार लोकनेते रामशेठ ठाकूर, संस्थेचे अध्यक्ष अरुणशेठ भगत, व्हाईस चेअरमन वाय. टी. देशमुख, संस्थेच्या कार्यकारी मंडळाचे सदस्य आमदार प्रशांत ठाकूर, अनिल भगत, पनवेल महापालिकेचे सभागृह नेते परेश ठाकूर, संस्थेचे सर्व कार्यकारी मंडळ सदस्य, स्थानिक व्यवस्थापन समितीचे सर्व सदस्य, संस्थेचे सचिव डॉ. एस. टी. गडदे, महाविद्यालयाचे प्राचार्य प्रा. डॉ. वसंत बर्‍हाटे, उपप्राचार्य प्रा. डॉ. एस. के. पाटील आणि सर्व प्राध्यापक वर्ग व शिक्षकेतर सेवकवर्ग यांनी विशेष अभिनंदन केले आहे.

पारितोषिकप्राप्त विद्यार्थी ऑन द स्पॉट पेंटिग स्पर्धा प्रथम क्रमांक विशाल यादव, कार्टूनिंग स्पर्धा प्रथम क्रमांक ऋतुजा पाटील, एकपात्री स्पर्धा प्रथम क्रमांक उमेश वाळके, कथाकथन स्पर्धा प्रथम क्रमांक मुग्धा दातार, वक्तृत्व स्पर्धा द्वितीय क्रमांक मुग्धा दातार, भारतीय शास्त्रीय गायन स्पर्धा द्वितीय क्रमांक कोमल राजगुरू, भारतीय सुंगम संगीत स्पर्धा द्वितीय क्रमांक निलेश गायकवाड, पोस्टर मेंकिग स्पर्धा द्वितीय क्रमांक ज्योती धायगुडे, पाश्चात्य गायन स्पर्धा तृतीय क्रमांक कोमल राजगुरू.