सीकेटी महाविद्यालयातर्फे ऑनलाइन व्याख्यान; लोकनेते रामशेठ ठाकूर यांच्या वाढदिवसाचे औचित्य

पनवेल : रामप्रहर वृत्त

जनार्दन भगत शिक्षण प्रसारक संस्थेच्या खांदा कॉलनी येथील चांगू काना ठाकूर आर्टस, कॉमर्स अ‍ॅण्ड सायन्स महाविद्यालयातील (ऑटोनॅामस) नवीन पनवेल माजी विद्यार्थी संघाच्या वतीने संस्थेचे चेअरमन, माजी खासदार लोकनेते रामशेठ ठाकूर यांच्या 70व्या वाढदिवसानिमित्त ऑनलाइन व्याख्यानाचे आयोजन करण्यात आले होते. इन्स्पायरेन्ट सिरिज या विषयाच्या व्याख्यानाची सुरुवात विज्ञानशाखेने केली. या व्याख्यानासाठी डॉ. प्रसन्न बाळचंद्र रानडे (विवेकानंद एज्युकेशन सोसायटीज कॉलेज ऑफ आर्टस, कॉमर्स अ‍ॅन्ड सायन्स कॉलेज चेंबुर, मुंबई) यांना आमंत्रित केले होते. या कार्यक्रमाचे उद्घाटन महाविद्यालयाचे प्राचार्य डॉ. व्ही. डी. बर्‍हाटे यांनी केले. या इन्स्पायरेन्ट सिरिजचा फायदा विद्यार्थ्यानी घ्यावा असे त्यांनी मार्गदर्शन केले. माजी विद्यार्थी संघाचे चेअरमन डॉ. आर. व्ही. येवले यांनी आपल्या महाविद्यालयातील माजी विद्यार्थी संघाच्या स्थापनेविषयी माहिती दिली व कार्यक्रमाची रूपरेषा मांडली. या व्याख्यानाचा आयोजित उपदेश असा आहे की, प्रोमिनेन्ट अ‍ॅलुमनी यांना निमंत्रित करून शिक्षण सुरू असलेल्या विद्यार्थ्यांना एक ‘रोल मॉडेल म्हणुन माजी विद्यार्थी आदर्श राहतील. विज्ञान शाखेतून डॉ. प्रसन्न बाळचंद्र रानडे यांनी करिअर घडविण्यासाठी वेळेचे महत्त्व आणि नियोजन कसे करावे यावरती मार्गदर्शन केले. विज्ञान शाखेतून 327 विद्यार्थ्यानी या व्याख्यानासाठी सहभाग घेतला. आर्टस् शाखेतून प्रियेश राघवन (पिल्लेज एच.ओ.सी. कॉलेज ऑफ आर्टस, कॉमर्स अ‍ॅन्ड सायन्स, रसायनी) यांनी रोल्स ऑफ कम्युनिकेशन गेटींग जॉब अ‍ॅण्ड इम्पॉर्टन्स ऑफ बॉडी लॅन्ग्वेज व्हाईल अपिअरींग फॉर द इंन्टरव्ह्युव या विषयावर मार्गदर्शन केले. कला शाखेतून 130 विद्यार्थ्यांनी या व्याख्यानासाठी सहभाग घेतला. वाणिज्य शाखेतून सी. ए. कुंदन वसंत आंग्रे (मॅनेजर ऑडिट, डीटीएस अ‍ॅन्ड असोसियेट एलएलपी, मुंबई ) यांनी जर्नी टु बिकेम चार्टर्ड अकाऊंट अ‍ॅण्ड अपॉरच्युनटीस इन अकाऊंटन्सी या विषयावर मार्गदर्शन केले. वाणिज्य शाखेतून 373 विद्यार्थ्यांनी या व्याख्यानासाठी सहभाग घेतला. या कार्यक्रमात उपस्थितांचे आभार डॉ. आर. व्ही. येवले यांनी मानले. आपल्या महाविद्यालयातील अ‍ॅलुमनी टिचर्स आरती परदेशी, अर्चना गंधारकर, ज्योत्स्ना पारगावकर, दिगंबर पाटील, अन्वेश वेमुला, राहुल पाटील, हरिभाऊ खरात, वर्षा जगदाळे, भावेश भोईर या सर्वांनी हा कार्यक्रम यशस्वी होण्यासाठी मदत केली. तसेच प्राचार्य डॉ. व्ही. डी. बर्‍हाटे आणि उपप्राचार्य डॉ.एस. के. पाटील यांनी मोलाचे मार्गदर्शन केले.