खारघरमध्ये रंगली दिवाळी पहाट

खारघर : रामप्रहर वृत्त

दिवाळी आणि दिवाळी पहाट हे एक स्वतंत्र समीकरण आहे. त्यानुसार भारतीय जनता पार्टी खारघर तळोजा मंडळाच्या वतीने गुरुवारी (दि. 4) ‘दिवाळी पहाट’ या सुरेल गायनाच्या कार्यक्रमाचे आयोजन करण्यात आले होते. या कार्यक्रमाला भाजपचे उत्तर रायगड जिल्हाध्यक्ष आमदार प्रशांत ठाकूर आणि सभागृह नेते परेश ठाकूर यांची प्रमुख उपस्थिती होती.

खारघर सेक्टर 12 येथील गावदेवी मैदानात सामगंध कला केंद्र प्रस्तुत हिंदी व मराठी सुश्राव्य गीतांच्या दिवाळी पहाट कार्यक्रमाचे आयोजन करण्यात आले होते. या कार्यक्रमात सादर केलेल्या गीतांनी उपस्थित नागरिक मंत्रमुग्ध झाले, तसेच या कार्यक्रमात सफाई कर्मचार्‍यांचा सन्मान करण्यात आला असून, त्यांना भेटवस्तू देण्यात आली. या वेळी पनवेल महापालिकेच्या प्रभाग समिती अ च्या सभापती अनिता पाटील, नगरसेवक हरेश केणी, अभिमन्यू पाटील, शत्रुघ्न काकडे, रामजी बेरा, नरेश ठाकूर, विक्रांत पाटील, नगरसेविका हर्षदा उपाध्याय, भाजपचे  खारघर शहर अध्यक्ष ब्रिजेश पटेल, निर्दोष केणी, युवा नेते समीर मदम, शहर सरचिटणीस दीपक शिंदे, भाजयुमो शहर अध्यक्ष विनोद घरत, अमर उपाध्याय, संतोष शुक्ला, विपुलभाई चौटालिया, राजेंद्र अगरवाल, किरण पाटील, नवलकुमार मोरे, अजय माळी, मांजरेकर मामा, महिला मोर्चाच्या साधना पवार, संध्या शारबिद्रे, गीता चौधरी, मोना अडवाणी, युवा नेते शुभ पाटील यांच्यासह पदाधिकारी, कार्यकर्ते उपस्थित होते.