आमदार महेंद्र दळवी यांचा ठाकरे शिवसेनेवर निशाणा

पालीत बाळासाहेबांच्या शिवसेनेच्यावतीने पालीत सरपंच, उपसरपंच, सदस्यांचा सत्कार
पाली : प्रतिनिधी
बाळासाहेबांच्या शिवसेनेच्यावतीने पाली बल्लाळेश्वर नगरीत सुधागड तालुक्यातील नवनिर्वाचित ग्रामपंचायत सरपंच, सदस्यांचा पाली भक्तनिवास 1 येथे आमदार महेंद्र दळवी, जिल्हाप्रमुख राजा केणी, जिल्हा संपर्क प्रमुख प्रकाश देसाई , रविंद्र देशमुख व अन्य मान्यवर यांच्या हस्ते सत्कार करण्यात आला. यावेळी वाद्यवृंद व घोषणांच्या गजरात पाली शहरातून रॅली काढण्यात आली. राज्याच्या राजकारणावर देखील दाळवींनी भाष्य केले. महेंद्र दळवी यांनी खासदार संजय राऊत यांच्यावर जहरी टिका केली. संजय राऊत यांचा तमाशातील कलाकार असा उल्लेख करीत ज्याला ग्राम पंचायत निवडुन आणण्याची लायकी नाही अशा माणसाच्या वक्तव्याची दखल काय घ्यायची, अशी खिल्ली दळवी यांनी उडवत हे सरकार पाच वर्ष टिकेल असा विश्वास दळवी यांनी व्यक्त केला. अष्टविनायक तीर्थक्षेत्र असलेल्या पाली बल्लाळेश्वर नगरीत सुधागड तालुका नवनिर्वाचित सरपंच व सदस्यांचा सत्कार करण्यात आला. यावेळी अलिबाग मुरुड मतदारसंघाचे आ.महेंद्र दळवी, जिल्हा संपर्क प्रमुख प्रकाश भाऊ देसाई, जिल्हाप्रमुख राजा केणी, माजी जि प सदस्य, तथा सुधागड तालुका प्रमुख रवींद्र देशमुख,माजी जि. प सभापती संजय जांभळे, उपजिल्हाप्रमुख अनुपम कुलकर्णी, युवक जिल्हाध्यक्ष संजय म्हात्रे, अ‍ॅड. मनोज शिंदे उपस्थित होते.