महाड चवदार तळे सत्याग्रहाला यंदा प्रथमच दिली जाणार शासकीय मानवंदना

महाड : प्रतिनिधी
भाजप-शिवसेना सरकारने महत्त्वाचा निर्णय घेतला असून महाड येथे चवदार तळे सत्याग्रह दिनी शासकीय मानवंदना देण्यात येणार आहे तसेच या दिवशी या परिसरात हेलिकॉप्टरने पुष्पवृष्टी करण्यात येईल, अशी माहिती रायगडचे जिल्हाधिकारी डॉ. योगेश म्हसे यांनी दिली.
भारतरत्न डॉ. बाबासाहेब आंबेडकर यांनी 1927मध्ये महाडमध्ये सामाजिक क्रांती केली. तेव्हापासून 19 आणि 20 मार्च या ऐतिहासिक दिवशी भीम अनुयायी चवदार तळे येथे येऊन महामानवाला अभिवादन करतात.