पनवेल : रामप्रहर वृत्त
पनवेल तालुक्यात ग्रामपंचायतीच्या सार्वत्रिक निवडणुकीत भाजपने विरोधकांना धूळ चारली आहे. शेकापसह महाविकास आघाडीने प्रतिष्ठेच्या केलेल्या निवडणुकीत भाजप महायुतीने बाजी मारली.
ग्रामपंचायतीच्या सार्वत्रिक निवडणुकीत माजी खासदार लोकनेते रामशेठ ठाकूर, मावळ लोकसभा मतदारसंघ निवडणूक प्रमुख आमदार प्रशांत ठाकूर, आमदार महेश बालदी, भाजपचे उत्तर रायगड जिल्हाध्यक्ष अविनाश कोळी, तालुकाध्यक्ष अरुणशेठ भगत यांच्या नेतृत्वाखाली पक्षाने यश संपादन केले आहे. विशेषत्वाने अनेक वर्षांपासून शेकापच्या ताब्यातील विचुंबे ग्रामपंचायतीमध्ये भाजपने शेकापला चारीमुंड्या चीत करीत सत्ता मिळवली. तालुक्यातील आणखी एक महत्त्वाची असलेल्या न्हावे ग्रामपंचायतीचा गड लोकनेते रामशेठ ठाकूर यांच्या मार्गदर्शनाखाली अबाधित राहिला. या ठिकाणीही शेकाप युतीचा दारुण पराभव झाला. देवद व मालडुंगे ग्रामपंचायतीमध्येही भाजप युतीने आपले वर्चस्व कायम ठेवत सत्ता मिळवली. याशिवाय भिंगार, ओवळे, सोमटणे ग्रामपंचायतीत भाजप युतीचा करिष्मा पाहायला मिळाला. शेकाप आघाडीची सत्ता उलथवून भाजपने या ठिकाणी शेकापला पराभवाची धूळ चारली.
न्हावे ग्रामपंचायतीच्या थेट सरपंचपदी विजेंद्र गणेश पाटील, सदस्य म्हणून शैलेश विठ्ठल पाटील, रंजना चंद्रकांत पाटील, सुनिता तुषार भोईर, जागृती नितीन म्हात्रे, सागर कान्हा ठाकूर, नरेश सावळाराम मोकल, ललिता बाळकृष्ण ठाकूर; विचुंबे सरपंचपदी प्रमोद शांताराम भिंगारकर, सदस्य म्हणून अनिल विष्णू भोईर, श्रावणी विवेक भोईर, प्रगती आनंद गोंधळी, आरती अविनाश गायकवाड, विभूती चेतन सुरते, अनंता कमल्या गायकवाड; देवद ग्रामपंचायतीच्या सरपंचपदी विनोद वामन वाघमारे, सदस्य म्हणून चंद्रा राम वाघमारे, कुंदा पांडुरंग वाघमारे, विजय नाना वाघमारे, साधना वाघमारे, दिनेश रामभाऊ वाघमारे, संदीप गणा वाघमारे, संदीप गणपत वाघमारे, करुणा वासुदेव वाघमारे; भिंगार ग्रामपंचायतीच्या सरपंचपदी गुलाब रामदास वाघमारे, सदस्य म्हणून अशोक राजाराम गायकर, शामल महेश लहाने, सुनील नारायण पाटील, उज्ज्वला अंबाजी वाघमारे, रिना राजेश पाटील, सुभाष जेठू पाटील, करिना संदेश पाटील, आशा नितीन वाघमारे; मालडुंगे सरपंचपदी सीताराम जानू चौधरी, सदस्य म्हणून विष्णू बुध्या पारधी, ताई चंदर भस्मा, वनिता राजू वाघ, माई प्रकाश खंडवी, अर्जुन मल्या कांबडी, जनार्दन नाग्या निरगुडा, उषा गणपत वारगडा; सोमटणे ग्रामपंचायतीच्या सरपंचपदी तेजस्विनी आत्माराम पाटील, सदस्य म्हणून दीपा दीपक पाटील, विशाल रवींद्र पाटील, सुवर्णा रवींद्र कांबळे, अविनाश बामा मुंढे, आंबो पांडुरंग मुंढे, रजनी रामा मुंढे; ओवळे ग्रामपंचायतीच्या सरपंचपदी रूपेश सुरेश गायकवाड तसेच गुळसुंदे ग्रामपंचायतीच्या निवडणुकीत सतिश सदाशिव साठे, अपर्णा वसंत चौलकर, आशा गजानन वीर, जितेंद्र बाळकृष्ण पाटील, रमेश शांताराम मालुसरे, रचना रूपेश चव्हाण यांनी विजय मिळवला.
विजयी उमेदवारांचे लोकनेते रामशेठ ठाकूर, आमदार प्रशांत ठाकूर, आमदार महेश बालदी, भाजपचे ज्येष्ठ नेते वाय. टी. देशमुख, तालुकाध्यक्ष अरुणशेठ भगत, शहर अध्यक्ष अनिल भगत, जिल्हा सरचिटणीस नितीन पाटील, चारुशीला घरत, चिटणीस रत्नप्रभा घरत, तालुका उपाध्यक्ष संजय पाटील, सचिन पाटील, सरचिटणीस राजेंद्र पाटील, महिला मोर्चाच्या शहर अध्यक्ष राजेश्री वावेकर, माजी नगरसेविका दर्शना भोईर, युवा मोर्चाचे जिल्हाध्यक्ष मयुरेश नेतकर, शिवकर ग्रामपंचायतीचे सरपंच आनंद ढवळे, अनेश ढवळे यांच्यासह पदाधिकारी, कार्यकर्ते आणि ग्रामस्थांनी अभिनंदन केले.
Check Also
आमदार प्रशांत ठाकूर यांच्या प्रयत्नातून एक कोटी 35 लाख रुपयांच्या विकासकामांचा शुभारंभ
पनवेल : रामप्रहर वृत्त पनवेल विधानसभा मतदार संघातील ग्रामिण भागात आमदार प्रशांत ठाकूर यांच्या मार्गदर्शनाखाली …