खालापुरातील चिंचवली गोहे परिसर कोरोना विषाणूबाधित क्षेत्र घोषित

अलिबाग : जिमाका

खालापूर तालुक्यातील चिंचवली गोहे येथे एक व्यक्ती करोना विषाणूबाधित आढळून आल्याने या हद्दीतील करोनाबाधित रुग्ण राहात असलेल्या सुनील सीताराम पाटील यांची चिंचवली गोहे येथील चाळ व चिंचवली गोहे हे महसूली गाव हा संपूर्ण परिसर कोरोना विषाणूचा प्रादूर्भाव टाळण्यासाठी पुढील 28 दिवस कोरोना विषाणूबाधित क्षेत्र म्हणून घोषित करण्यात आला आहे.

या परिसरात राहणार्‍या नागरिकांना घरातून बाहेर पडण्यास व अन्य ठिकाणी स्थलांतरित होण्यास तसेच बाहेरून येणार्‍या लोकांना या बाधित क्षेत्रात प्रवेश करण्यास जिल्हा दंडाधिकारी तथा आपत्ती व्यवस्थापन प्राधिकरण अध्यक्ष निधी चौधरी यांनी प्रतिबंध आदेश लागू केले आहेत.  या आदेशाचे उल्लंघन करणार्‍यांवर आपत्ती व्यवस्थापन अधिनियम 2005 कलम 51 व तसेच महाराष्ट्र पोलीस अधिनियम 1951चे कलम 71, 139 तसचे भारतीय दंड संहिता (45 ऑफ 1860)च्या कलम 188 अन्वये कारवाई करण्यात येईल, असे जिल्हाधिकारी चौधरी यांनी कळविले आहे.