नागावमध्ये कडकडीत बंद; जनता कर्फ्यूला ग्रामस्थांचा प्रतिसाद

रेवदंडा : प्रतिनिधी

कोरोनाच्या पार्श्वभूमीवर नागाव ग्रामपंचायत हद्दीत जनता कर्फ्यू पाळण्यात येत असून,  पहिल्याच दिवशी येथील अत्यावश्यक सेवा वगळता सर्व दुकाने बंद होती. त्यामुळे शुकशुकाट पहायला मिळाला.कोरोना विषाणूची साखळी तुटावी यासाठी नागावमध्ये 2 ते 6 जुलैदरम्यान बंद आहे. शेजारील गावात कोरोना रुग्ण आढळण्यास सुरुवात झाल्याने खबरदारी म्हणून हे पाऊल उचलण्यात आले आहे. नागावचे जबाबदार नागरिक म्हणून आणि स्वत:सह कुुटुंब व ग्रामस्थांच्या सुरक्षिततेसाठी या पाच दिवसांच्या बंदसाठी सहकार्य करा, असे आवाहन ग्रामपंचायतीच्या वतीने करण्यात आले आहे.