श्रीवर्धन -नालासोपारा बसला अपघात, सर्व प्रवासी सुखरूप

म्हसळा : प्रतिनिधी

श्रीवर्धन – नालासोपारा एशियाड बसला पनवेल जवळील कर्नाळा खिंडीत मंगळवारी (दि. 26) सायंकाळी 4 वाजण्याच्या दरम्यान समोरून येणार्‍या ट्रकने ठोकर दिली. या अपघातात बसमधील सर्व 44 प्रवासी सुखरूप बचावले असून, दोन्ही वाहनांचे नुकसान झाले आहे. अपघातानंतर ट्रक चालक पळून गेला.   श्रीवर्धन-नालासोपारा एशीयाड बस (एमएच-20,बीएल-3230) मंगळवारी संध्याकाळी पनवेलकडे येत होती. बसमध्ये 44प्रवासी होते. कर्नाळा खिंडीत समोरून भरधाव वेगाने असलेल्या ट्रक (एमएच-06,के-3385) ने बेदरकारपणे एशियाड बसला ठोकर दिली. त्यामुळे बस डिव्हायडरवर गेल्याने कंडक्टर बाजूकडील दरवाजा जाम झाला. वाहक बाबासाहेब ठोंबरे यांनी प्रसंंगावधान दाखवून सर्व प्रवाशाना संकटकालीन दरवाजाने बाहेर काढून मार्गस्थ केले.