जिल्ह्यात 333 नवे कोरोना पॉझिटिव्ह; 12 रुग्णांचा मृत्यू

पनवेल ः रामप्रहर वृत्त
रायगड जिल्ह्यात 333 नव्या कोरोना रुग्णांची आणि 12 रुग्णांच्या मृत्यूची नोंद सोमवारी (दि. 28) झाली, तर दिवसभरात 534 रुग्ण बरे झाले आहेत.
पॉझिटिव्ह आढळलेल्या रुग्णांमध्ये पनवेल तालुक्यातील 247, अलिबाग 26, कर्जत 15, पेण 13, उरण नऊ, खालापूर व रोहा प्रत्येकी सात, माणगाव पाच, श्रीवर्धन दोन आणि सुधागड व महाड तालुक्यातील प्रत्येकी एकाचा समावेश आहे; तर मयत रुग्ण पनवेल तालुक्यात पाच, उरण दोन आणि खालापूर, कर्जत, पेण, अलिबाग व सुधागड तालुक्यात प्रत्येकी एक असे आहेत.
नव्या रुग्णांमुळे जिल्ह्यातील कोरोनाबाधितांचा एकूण आकडा 45 हजार 877 आणि मृतांची संख्या 1232 झाली आहे. जिल्ह्यात 40 हजार 285 जण कोरोनामुक्त झाल्याने 4360 विद्यमान रुग्ण असल्याची माहिती जिल्हा प्रशासनाने दिली.