उरण ः तालुक्यातील पागोटे गावचे जितेंद्र पाटील यांची नुकतीच भाजपच्या उत्तर रायगड जिल्हा उपाध्यक्षपदी नियुक्ती झाली. त्यांना राज्याचे माजी शिक्षणमंत्री व आमदार आशिष शेलार यांच्या हस्ते नियुक्तिपत्र देण्यात आले. या वेळी भाजप उत्तर रायगड जिल्हा अध्यक्ष आमदार प्रशांत ठाकूर, आमदार महेश बालदी, तालुका अध्यक्ष रवी भोईर, नगराध्यक्ष सायली म्हात्रे, उपनगराध्यक्ष जयविन कोळी, शहर अध्यक्ष कौशिक शहा, तालुका सरचिटणीस सुनील पाटील, उपाध्यक्ष प्रकाश ठाकूर, चंद्रकांत घरत, जितेंद्र घरत, दीपक भोईर, सुधीर घरत आदी पदाधिकार्‍यांसह कार्यकर्त्यांनी जितेंद्र पाटील यांचे अभिनंदन करून पुढील वाटचालीसाठी शुभेच्छा दिल्या.