देशात ‘स्पुटनिक व्ही’ची ऑगस्टपासून निर्मिती

नवी दिल्ली : भारतात लसीकरणाच्या मोहिमेत आता रशियाच्या स्पुटनिक व्ही लसीचा समावेश झाला आहे. नागरिक लवकरच ही लस दिली जाणार आहे. या वर्षी ऑगस्ट महिन्यापासून देशात ‘स्पुटनिक व्ही’चे उत्पादन सुरू होणार आहे, अशी माहिती  रशियामधील भारताचे राजदूत डीबी व्यंकटेश वर्मा यांनी दिली. ते म्हणाले, मे महिन्याच्या अखेरपर्यंत भारताला स्पुटनिक व्हीच्या 30 लाख डोसचा पुरवठा करण्यात येणार आहे. जून महिन्यात वाढवून 50 लाखापर्यंत पुरवठा होण्याची अपेक्षा आहे.  देशात या वर्षी या लसीच्या 85 कोटीहून अधिक लस तयार केल्या जातील. दरम्यान, कोरोना विरोधी लसींमध्ये केवळ एक डोस घ्यावा लागणार्‍या स्पुटनिक-लाइट लसीसाठीही भारताने रशियाला प्रस्ताव पाठवला आहे.