कर्जतमध्ये ‘एक शाम देशभक्ती के नाम’

कर्जत : प्रतिनिधी, बातमीदार

स्वातंत्र्य दिनाच्या 75व्या वर्धापन दिनानिमित्त कर्जत नगर परिषद, रोटरी क्लब आणि कराओके क्लब यांच्या संयुक्त विद्यमाने नगर परिषद सभागृहामध्ये एक शाम देशभक्ती के नाम हा देशभक्तीपर गीतांचा कार्यक्रम आयोजित करण्यात आला होता. नगराध्यक्ष सुवर्णा जोशी यांच्या हस्ते भारतमातेचे पूजन करून या कार्यक्रमाचे उद्घाटन करण्यात आले. प्रथम तुला वंदितो हे गणेशस्तवन सादर करून कार्यक्रमास सुरुवात करण्यात आली. जहाँ डाल डालपर सोने…, सत्यम शिवमं सुंदरमं.., कर चले हम फिदा…, ये देश विर जवानों का…, नन्हा मुन्ना राही हूँ…, छोडो कल की बाते…, संदेसे आते है…., मेरा मुल्क…, जय जय महाराष्ट्र माझा…, ए मेरे वतन के लोगो…. ने मजशी ने परत मातृभूमीला…, शूर आम्ही सरदार आम्हाला…, दिल दिया है जान भी देंगे…, अशी देशभक्तीपर गीते रवींद्र लाड, गौतम वैद्य, प्रतिमा भालोदकर, रमाकांत जाधव, संजय वाघमारे, नम्रता देवरे, हमीद खैराट, राम देवरे, प्रसाद जोशी यांनी कराओकेवर सादर केली. नगरसेवक उमेश गायकवाड, राहुल डाळींबकर, रोटरी क्लब सदस्य सचिन ओसवाल, जितेंद्र ओसवाल यांनीही गीते गाऊन स्वातंत्र्यासाठी बलिदान दिलेल्यांना आदरांजली वाहिली. कार्यक्रमाचे सूत्रसंचालन रवींद्र लाड यांनी केले. नगरसेवक बळवंत घुमरे, संकेत भासे, हेमंत ठाणगे, नगरसेविका संचिता पाटील, स्वामिनी मांजरे, माजी नगराध्यक्ष राजेश लाड, माजी नगरसेवक संतोष पाटील, मुकेश पाटील, रोटरी क्लबचे सतिश श्रीखंडे, विशाल शहा, अरविंद जैन, दिपचंद जैन, डॉ. प्रेमचंद जैन, सुनिल सोनी, डॉ. आदित्य जंगम, योगेश राठी, सुशांत ठकेकर, कराओके क्लबचे अध्यक्ष संजय वाघमारे आदी उपस्थित होते.