पनवेलमध्ये किल्ले स्पर्धेच्या पोस्टरचे प्रकाशन

संस्कृतीचे महत्त्व वाढावे यासाठी आयोजन -परेश ठाकूर

पनवेल ः रामप्रहर वृत्त

भाजपचे उत्तर रायगड जिल्हाध्यक्ष आमदार प्रशांत ठाकूर आणि पनवेल महापालिकेचे माजी सभागृह नेते परेश ठाकूर यांच्या मार्गदर्शनाखाली भाजप युवा मोर्चा पनवेल शहरच्या वतीने दीपावलीनिमित्त किल्ले स्पर्धेचे आयोजन करण्यात आले आहे. माजी सभागृह नेते परेश ठाकूर यांच्या हस्ते या स्पर्धेच्या पोस्टरचे प्रकाशन गुरुवारी (दि. 13) करण्यात आले. आपल्या संस्कृतीतील किल्ले बनवण्याच्या कलेचे महत्त्व वाढावे यासाठी ही स्पर्धा महत्त्वाची आहे, असे प्रतिपादन माजी सभागृह नेते परेश ठाकूर यांनी या वेळी केले. पनवेल शहरातील छत्रपती शिवाजी महाराज चौकात झालेल्या या पोस्टर प्रकाशन कार्यक्रमास माजी उपमहापौर चारुशीला घरत, माजी नगरसेवक अजय बहिरा, माजी नगरसेविका दर्शना भोईर, राजश्री वावेकर, रूचिता लोंढे, पनवेल शहर सरचिटणीस अमरीश मोकल, खजिनदार संजय जैन, युवा नेते केदार भगत, भाजप युवा मोर्चाचे उत्तर रायगड जिल्हाध्यक्ष मयुरेश नेतकर, सचिव चिन्मय समेळ, विवेक होन, उदित नाईक, पनवेल शहर अध्यक्ष रोहित जगताप, उपाध्यक्ष अभिषेक भोपी, रोहित कोळी, अक्षय सिंग, देवांशु प्रभाळे, नूतन पाटील, नितेश घुगे, अर्जुन भगत, अनिकेत भोईर, श्रावण घोसाळकर, विशांत सपालिया, सिद्धार्थ मोहिते, शुभम कांबळे, अजित सिंग, सिद्धेश खानावकर, रवी संदेपॉल, करण सोनवणे, रोहन माने यांच्यासह पदाधिकारी, कार्यकर्ते आणि शिवप्रेमी उपस्थित होते. या वेळी परेश ठाकूर यांनी शिवरायांच्या पुतळ्यास पुष्पहार अर्पण करून अभिवादन केले.