ठाकरे गटाचे पदाधिकारी, कार्यकर्ते भाजपमध्ये

लोकनेते रामशेठ ठाकूर यांनी केले स्वागत

पनवेल : रामप्रहर वृत्त
उद्धव ठाकरे गटाचे पनवेलजवळील आदई येथील पदाधिकारी व कार्यकर्त्यांनी गुरुवारी (दि. 9) माजी खासदार लोकनेते रामशेठ ठाकूर यांच्या प्रमुख उपस्थितीत भारतीय जनता पक्षात प्रवेश केला.
नवीन पनवेल येथे झालेल्या या कार्यक्रमास माजी पंचायत समिती सदस्य तथा भाजप सरचिटणीस भूपेंद्र पाटील, भाजप कार्यकर्ते धर्मा काकडे, भाई पाटील, माजी सरपंच महादू शेळके, माजी उपसरपंच योगेश पाटील, मंगेश भोपी, जनार्दन पाटील, राजेश काकडे, गोमा शेळके, राम शेळके, जयेश पाटील, उद्धव पाटील, किशोर म्हात्रे, सत्यवान खांडे, अनंतबुवा पाटील आदी उपस्थित होते.
भाजपचे रायगड जिल्हाध्यक्ष आमदार प्रशांत ठाकूर यांचे सक्षम नेतृत्व आणि त्यांच्या माध्यमातून सुरू असलेल्या विकासकामांवर प्रभावित होऊन या वेळी उद्धव ठाकरे गटाचे पनवेल तालुका उपप्रमुख जगदीश भगवान शेळके, एकनाथ गोमा शेळके, विवेक वसंत पाटील, विष्णू रामा शेळके आदी कार्यकर्त्यांनी भाजपमध्ये प्रवेश केला. या सर्वांचे लोकनेते रामशेठ ठाकूर व अन्य मान्यवरांनी पक्षाची शाल देऊन स्वागत केले.