Breaking News

पनवेलमध्ये रविवारी संयुक्त मोर्चा संमेलन

पनवेल : प्रतिनिधी
देशाचे कार्यकुशल पंतप्रधान नरेंद्र मोदी यांच्या नेतृत्वाखालील केंद्र सरकारला नऊ वर्षे पूर्ण झाली आहेत. या काळात देशाच्या विकासाची मोठी पावले उचलतानाच जागतिक स्तरावर भारताची मान उंचावण्याचे काम पंतप्रधान मोदींनी केले. त्या अनुषंगाने योजना, विकासकामे, निर्णयांची माहिती जनतेपर्यंत पोहचविण्यासाठी भाजपतर्फे मोदी @ 9 महाजनसंपर्क अभियानांतर्गत रविवारी (दि. 18) सकाळी 10.30 वाजता उरण विधानसभा क्षेत्राचे संयुक्त मोर्चा संमेलन पनवेलमध्ये आयोजित करण्यात आले आहे.
पनवेल शहरातील मार्केट यार्डमधील श्री. रामशेठ ठाकूर सामाजिक विकास मंडळाच्या सभागृहात भाजपचे रायगड जिल्हाध्यक्ष आमदार प्रशांत ठाकूर यांच्या अध्यक्षतेखाली व आमदार महेश बालदी यांच्या प्रमुख उपस्थितीत संयुक्त मोर्चा संमेलन होणार असून या संमेलनास प्रमुख पाहुणे म्हणून भाजपचे ज्येष्ठ नेते बाळासाहेब पाटील, पनवेल तालुका अध्यक्ष अरुणशेठ भगत, उरण तालुका अध्यक्ष रवी भोईर, शहर अध्यक्ष कौशिक शाह, खालापूर तालुका अध्यक्ष रामदास ठोंबरे, लोकसभा विस्तारक अविनाश कोळी, जिल्हा संघटन सरचिटणीस दीपक बेहेरे, जिल्हा सरचिटणीस नितीन पाटील, विनोद साबळे आदींची उपस्थिती असणार आहे.

Check Also

केंद्र सरकारच्या लोकाभिमुख योजना तळागाळातील जनतेपर्यंत पोहचवा -मंत्री आदिती तटकरे

माणगाव : प्रतिनिधी महायुतीचे रायगड लोकसभा मतदारसंघाचे उमेदवार खासदार सुनील तटकरे यांच्या प्रचारार्थ श्रीवर्धन विधानसभा …

Leave a Reply