हॉलिबॉल स्पर्धेत कालभैरव दादर-पेण संघ विजेता

खारेपाट : प्रतिनिधी

अलिबाग तालुक्यातील जय बहिरीदेव संघ बहिरीचापाडा आयोजित जिल्हास्तरीय हॉलिबॉल टाकाटाकी स्पर्धेत कालभैरव दादर-पेण संघ विजेता ठरला, तर उपविजेता बहिरीदेव संघ बहिरीचापाडा, तृतीय संघ नांदाईचा पाडा संघ, चतुर्थ क्रमांक जय बहिरीदेव संघ ठरला. स्पर्धेत उत्कृष्ट शूटर-सुधाकर पाटील बहिरीचापाडा, विजय म्हात्रे दादर-पेण यांना गौरवण्यात आले. स्पर्धेत जिल्ह्यातील 32 संघ सहभागी होता.

स्पर्धचे उद्घाटन माणकुळे ग्रामपंचायत सरपंच सुजित गावंड, उपसरपंच पल्लवी पाटील, सदस्य अभय म्हात्रे, विक्रम पाटील, अविनाश बांधणकर, लक्ष्मण पाटील व मंडळाचे पदाधिकारी यांच्या उपस्थितीत झालेे. स्पर्धेच्या पारितोषिक वितरणाला सिंधू म्हात्रे, अविनाश बांधणकर, श्याम सुंदर पाटील, प्रमोद पाटील, गुरुनाथ म्हात्रे, दीनानाथ पाटील व ग्रामस्थ उपस्थित होते. पंच म्हणून सुनील म्हात्रे, सुधीर म्हात्रे, सुधाकर पाटील यांनी चांगल्या प्रकारे काम केले. सूत्रसंचालक प्रमोद म्हात्रे यांनी केले.