Breaking News

खारघरमध्ये रविवारी मिलेट पाककला स्पर्धा व मार्गदर्शन

जगप्रसिद्ध शेफ विष्णू मनोहर यांची लाभणार उपस्थिती

पनवेल : रामप्रहर वृत्त
भारतीय जनता पक्ष उत्तर रायगड महिला मोर्चाच्या वतीने रविवारी (दि. 16) दुपारी 3 वाजता खारघर येथे मिलेट पाककला स्पर्धा व मार्गदर्शन कार्यक्रम आयोजित करण्यात आला आहे. आयटीएम कॉलेज येथे होणार्‍या या स्पर्धेसाठी जगप्रसिद्ध शेफ विष्णू मनोहर यांची उपस्थिती लाभणार आहे.
कोणत्याही पदार्थाची चव ही तो पदार्थ बनविणार्‍याच्या हाताची असते, हे जितके खरे तितकेच हेही खरे की पदार्थ बनविणार्‍याच्या मनातून ती चव पदार्थात उतरते. पदार्थाची चव ही करणार्‍याच्या मनाचे प्रतिबिंबच असते. पाककला म्हणजे रूचकर, चविष्ट आणि पोषक पदार्थ बनविण्याची कला किंवा शास्त्र आहे. ही कला जमायला या कलेचा गोडी लागायला हवी व त्याचा ध्यास घ्यायला हवा, कारण कोणताच पदार्थ एकदा करून त्यात प्राविण्य मिळवता येत नाही. तो जेव्हा पुन्हा पुन्हा केला जातो त्याचवेळी त्यातील बारकावे लक्षात येतात आणि मगच तो प्रत्येकवेळी उत्तमोत्तम बनत जातो. त्या अनुषंगाने या पाककला स्पर्धेचे आणि विष्णू मनोहर यांचे मार्गदर्शन आयोजित करण्यात आले आहे.
या स्पर्धेत सहभागी होण्यासाठी किंवा अधिक माहितीसाठी आयोजक संध्या शारबिद्रे (9987851484) किंवा साधना पवार (7021501008) यांच्याशी संपर्क साधावा, असे आवाहन आयोजकांनी केले आहे.

Check Also

दहशत निर्माण करणार्‍यांना चोख उत्तर द्या

-भाजप उमेदवार सुजय विखे-पाटील यांचे आवाहन -कामोठे येथे संवाद मेळावा उत्साहात पनवेल ः रामप्रहर वृत्त …

Leave a Reply