हजारो कार्यकर्त्यांच्या उपस्थितीत आमदार महेश बालदी यांची भव्य बाईक रॅली

पनवेल ः रामप्रहर वृत्त
हजारो कार्यकर्त्यांच्या उपस्थितीत उरण विधानसभा मतदारसंघातील महायुतीचे उमेदवार आमदार महेश बालदी यांची भव्य बाईक रॅली रविवारी (दि. 17) केळवणे आणि गुळसुंदे जिल्हा परिषद विभागातून काढण्यात आली. या रॅलीला जनतेचा उत्स्फूर्त प्रतिसाद मिळाला.
उरण मतदारसंघात भाजप, शिवसेना, राष्ट्रवादी काँग्रेस, आरपीआय, पीआरपी व मित्रपक्ष महायुतीचे आमदार महेश बालदी यांचा वेगवान प्रचार सुरू आहे. महायुतीचे पदाधिकारी आणि कार्यकर्ते संपूर्ण ताकद पणाला लावून त्यांचा प्रचार करत आहेत. त्या अंतर्गत रविवारी केळवणे आणि गुळसुंदे जिल्हा परिषद विभागातून भव्य बाईक रॅली काढण्यात आली. केळवणे येथून बाईक रॅलीला सुरुवात झाली. पुढे चावणे, कासप, कराडे, वाशिवली, चौक, दांडफाटा, रिस, चांभार्ली, मोहोपाडा, वावेघर, गुळसुंदे, आपटा, तारा असे मार्गक्रमण शिरढोणमध्ये सांगता झाली. या रॅलीदरम्यान ठिकठिकाणी आमदार महेश बालदी यांचे जल्लोषात स्वागत करण्यात आले.
या भव्य बाईक रॅलीमध्ये भाजपचे जिल्हा उपाध्यक्ष सुधीर ठोंबरे, रामदास ठोंबरे, खालापूर तालुका अध्यक्ष प्रवीण मोरे, आपीआयचे तालुका अध्यक्ष महेंद्र धनगावकर, राष्ट्रवादीचे नेते व वासांबे ग्रामपंचायतीचे माजी सरपंच संदीप मुंढे, महिला आघाडीच्या नेत्या व सरपंच उमा मुंढे, माजी जि.प. सदस्य ज्ञानेश्वर घरत, केळवणे जि.प. विभागीय अध्यक्ष मंगेश वाकडीकर, गुळसुंदे जि.प. विभागीय अध्यक्ष डॉ. अविनाश गाताडे, वासांबेे जि.प. विभागीय अध्यक्ष सचिन तांडेल, माजी पं.स. सदस्य तनुजा टेंबे, सावळे ग्रामपंचायतीचे सरपंच सुनील माळी, भाताणचे सरपंच तानाजी पाटील, साईचे माजी सरपंच अण्णा पाटील, विद्याधर मोकल, कराडे खुर्द ग्रामपंचायतीचे माजी सरपंच किरण माळी, विजय मुरकुटे, दिघाटीच्या सरपंच रजनी ठाकूर, माजी सरपंच व विद्यमान सदस्य अमित पाटील, वावेघरचे माजी सरपंच प्रकाश गाताडे, विजय चव्हाण, कसळखंडचे माजी प्रभारी सरपंच अनिल पाटील, अनंत पाटील, नारपोलीचे माजी सरपंच दीपक पाटील, आपटा ग्रामपंचायतीचे सदस्य असद पिट्टू, तालुका उपाध्यक्ष प्रवीण खंडागळे, विद्याधर जोशी, संजय टेंबे, अजय तेजे, कर्नाळा पं.स. विभागीय अध्यक्ष चंद्रकांत पाटील, केळवणे पं.स. विभागीय अध्यक्ष हिरामण ठाकूर, रामदास ठाकूर, राजाराम पाटील, अशोक पाटील, विकास पाटील, सुशील ठाकूर, प्रवीण ठाकूर, गणेश पाटील, भूषण पारंगे, बुथ अध्यक्ष जितेंद्र पाटील, राम गाताडे, रामचंद्र केदारी, बंडू शीद, रमेश मालुसरे, महादेव कांबळे, मनोज पवार, प्रतिक भोईर, सतीश साठे, संतोष चौलकर, प्रशांत पाटील, अजिंक्य सुर्वे, अक्षय केदारी, सुजीत पाटील यांच्यासह महायुतीचे पदाधिकारी आणि कार्यकर्ते मोठ्या संख्येने उपस्थित होते.