शैक्षणिक, सांस्कृतिक क्षेत्रासह क्रीडा क्षेत्रात भरारी घ्या -लोकनेते रामशेठ ठाकूर

पनवेल : रामप्रहर वृत्त
शैक्षणिक गुणवत्ता आणि सांस्कृतिक क्षेत्रासह क्रीडा क्षेत्रातही उत्तुंग भरारी घ्यावी, असे आवाहन रयत शिक्षण संस्थेचे मॅनेजिंग कौन्सिल सदस्य माजी खासदार लोकनेते रामशेठ ठाकूर यांनी केले. ते त्यांच्या अध्यक्षतेखाली झालेल्या रयत शिक्षण संस्थेच्या गव्हाण येथील श्री. छत्रपती शिवाजी विद्यालय व ज.आ.भगत ज्युनिअर कॉलेजच्या वार्षिक स्नेहसंमलन कार्यक्रमात बोलत होते.
रयत शिक्षण संस्थेच्या गव्हाण येथील श्री. छत्रपती शिवाजी विद्यालय व ज.आ.भगत ज्युनिअर कॉलेजमध्ये संस्थेच्या कर्मवीर विद्याप्रबोधिनी संचलित अनिवासी गुरुकुल प्रकल्पांतर्गत वार्षिक स्नेहसंमेलन व पारितोषिक वितरण समारंभ उत्साहात झाला. विद्यालयाच्या स्थानिक शाळा समितीचे चेअरमन व रयत शिक्षण संस्थेचे जनरल बॉडी सदस्य अरुणशेठ भगत यांच्या प्रमुख उपस्थितीत झालेल्या या समारंभात कला, शालेय क्रीडा,वक्तृत्व व नमो चषक क्रीडा व इतर विविध शालेय, विभागीय व राज्यस्तरीय स्पर्धेतील गुणवंत विद्यार्थ्यांना मान्यवरांच्या हस्ते स्मृतिचिन्ह, प्रमाणपत्र आणि पुष्पगुच्छ देऊन गौरविण्यात आले.
विद्यालयाचे उपशिक्षक व रयत शिक्षण संस्थेचे लाईफ मेंबर रवींद्र भोईर यांनी विविध पारितोषिके प्राप्त केल्याबद्दल आणि शाखेसाठी दिलेल्या विशेष योगदानाबद्दल लोकनेते रामशेठ ठाकूर यांच्या हस्ते विशेष सत्कार करण्यात आला.
बक्षीस वितरण समारंभात संस्थेचे मॅनेजिंग कौन्सिल सदस्य व विद्यालयाचे आधारस्तंभ लोकनेते माजी खासदार रामशेठ ठाकूर साहेब यांनी अध्यक्षीय भाषणात आपल्या शालेय जीवनातल्या आठवणी आणि काही प्रसंग तसेच विद्यालयाच्या जडणघडणीचा आढावा घेतला. तसेच उलवे- गव्हाण कोपर पंचक्रोशीच्या किंबहुना रायगड जिल्ह्याच्या लौकिकात भर टाकणार्‍या सेक्टर 12 येथे नव्याने उभारलेल्या रामशेठ ठाकूर क्रीडांगणाचा विद्यालयातील विद्यार्थ्यांनी निश्चित लाभ घेवून शैक्षणिक गुणवत्ता आणि सांस्कृतिक क्षेत्रासह क्रीडा क्षेत्रातही उत्तुंग भरारी घ्यावी, असे आवाहन करून विद्यार्थ्यांना प्रेरणादायी विचारांनी प्रभावित केले. विविध क्षेत्रात नैपुण्य प्राप्त केलेल्या गुणवंत विद्यार्थ्यांचे माननीय लोकनेते रामशेठ ठाकूर यांनी अध्यक्ष भाषणात विशेष कौतुक केले.
या वेळी रयत शिक्षण संस्थेचे जनरल बॉडी सदस्य वाय.टी.देशमुख व स्थानिक शाळा समितीचे चेअरमन आणि रयत शिक्षण संस्थेचे जनरल बॉडी सदस्य अरुणशेठ भगत यांचेही औचित्यपूर्ण भाषण झाले.
दरम्यान, आय.डी.बी.आय.बँकेकडून विद्यार्थ्यांच्या आधुनिक तंत्रज्ञानावर आधारित शिक्षणासाठी बेनक्यू या कंपनीचा अत्याधुनिक इंटरॅक्टिव्ह बोर्ड विद्यालयास भेट देण्यात आला. आय.डी.बी.आय.बँकेचे प्रादेशिक व्यवस्थापक राजीव कुमार यांचेकडून विद्यालयाच्या स्थानिक शाळा समितीचे चेअरमन अरुणशेठ भगत व प्राचार्य गोवर्धन गोडगे यांच्याकडे हा इंटरॅक्टिव बोर्ड लोकनेते रामशेठ ठाकूर यांच्या हस्ते प्रदान करण्यात आला.
या वेळी आयडीबीआय बँकेचे उलवे शाखा व्यवस्थापक कल्पेश राठोड, प्रादेशिक समन्वयक शशांक कलसान,उलवे शाखेचे रिलेशनशिप मॅनेजर मनमोहन झा, सर्विस ऑपरेटर प्रकाश फालेभट यांच्यासह इतर पदाधिकारी उपस्थित होते.
रामशेठ ठाकूर मैदानालगतच भव्य शिवसृष्टी उभारणार असल्याची घोषणा यावेळी लोकनेते रामशेठ ठाकूर यांनी केली.तसेच मुंबईच्या शिवाजी पार्कच्या धर्तीवरच रामशेठ ठाकूर मैदानातही सर्व प्रकारच्या खेळांसाठी विशेष अत्याधुनिक सुविधांसह व्यवस्था करण्यात येणार असल्याचे प्रतिपादन त्यांनी केले.
या सोहळ्यास विद्यालयाच्या स्थानिक शाळा समितीचे ज्येष्ठ सदस्य अनंताशेठ ठाकूर व विश्वनाथ कोळी, गव्हाणच्या माजी सरपंच माई भोईर, माजी उपसरपंच विजय घरत, वहाळ ग्रामपंचायतचे उपसरपंच अमर म्हात्रे, मोरु नारायण म्हात्रे विद्यालय व टी.एन.घरत ज्युनिअर कॉलेज ऑफ सायन्स च्या प्राचार्या प्रणिता गोळे, ज्येष्ठ नेते जयवंतराव देशमुख, व्ही.के.ठाकूर, वामनशेठ म्हात्रे, भाऊ भोईर, मदन पाटील, वैभव घरत,पी.के ठाकूर, राम मोकल, राजेंद्र देशमुख, रघुनाथ देशमुख, किशोर पाटील, अंकुश ठाकूर, कुंदन मोकल,नामदेवराव ठाकूर,विधिज्ञ रुपेश म्हात्रे, कमलाकर देशमुख, शालिक भोईर, अनुसया घरत, चिंतामण गोंधळी, किरण म्हात्रे, प्रिया शिंदे,गव्हाण विद्यालयाचे प्राचार्य गोवर्धन गोडगे, रयत शिक्षण संस्थेचे लाईफ मेंबर व जनरल बॉडी सदस्यद्वय रविंद्र भोईर व प्रमोद कोळी, गुरुकुल प्रमुख संदिप भोईर व ज्युनिअर कॉलेज विभाग प्रमुख बाबुलाल पाटोळे आदींसह पंचक्रोशीतील इतर मान्यवर नागरिक, पालक, विद्यार्थी व शिक्षक मोठ्या संख्येने उपस्थित होते.
कार्यक्रम यशस्वी करण्यासाठी प्राचार्य गोवर्धन गोडगे यांच्या मार्गदर्शनाखाली सांस्कृतिक विभाग प्रमुख हर्षला पाटील,निवड समितीचे सदस्य रविंद्र भोईर, सागर रंधवे, चित्रलेखा पाटील, पारितोषिक वितरण समितीच्या द्रौपदी वर्तक तसेच विद्यार्थ्यांच्या सादरीकरणासाठी तयारी व उपस्थिती विभागाचे उज्ज्वला म्हात्रे, चारुशीला ठाकूर, सारिका ठाकूर व योगिता पाटील,वृषाली म्हात्रे, उर्मिला गोंधळी,प्रमोद करावकर, विशांत ठाकूर,प्रशांत परदेशी, ज्येष्ठ शिक्षक देवेंद्र म्हात्रे व एकनाथ ठाकूर,क्रीडा शिक्षक सुरेश पारखे, रंगमंच व्यवस्था विभागाचे राजू खेडकर,माणिक घरत, कलाशिक्षक गणेश भोईर, छायाचित्रण विभाग प्रमुख उमेश पाटील,रंगोली विभागाच्या अस्मिता पाटील, संपदा म्हात्रे, प्रणाली पाटील, द्रौपदी वर्तक,सर्व वर्गशिक्षक व वर्गशिक्षिका, माध्यमिक व ज्युनिअर कॉलेज चे सर्व शिक्षक, शिक्षकेतर कर्मचारी,स्वयंसेवक आदींनी विशेष परिश्रम घेतले.विद्यालयाच्या सर्व वर्ग शिक्षका व वर्गशिक्षक तसेच संगणक विभागाच्या सोनाली घरत यांनी नृत्यदिग्दर्शन सहायक म्हणून मौलिक भूमिका बजावली.
बक्षीस वितरण समारंभाचे प्रास्ताविक विद्यालयाचे प्राचार्य गोवर्धन गोडगे यांनी केले. कार्यक्रमाचे सूत्रसंचालन सागरकुमार रंधवे व सांस्कृतिक विभाग प्रमुख हर्षला पाटील यांनी केले तर संस्थेचे लाईफ मेंबर व जनरल बॉडी सदस्य रविंद्र भोईर यांनी आभार मानले.
– विद्यालयास दहा इंटरॅक्टिव्ह बोर्ड देणार
एम.एन.एम.विद्यालयासही दहा इंटरॅक्टीव्ह बोर्ड एकूण 20 इंटरॅक्ट बोर्ड (अंदाजे किंमत 18 लाख रुपये) देणार असून या दोन्ही विद्यालयातील सर्व विद्यार्थ्यांना अत्याधुनिक तंत्रज्ञानाच्या साह्याने आता अधिक गुणवत्तापूर्ण शिक्षण घेणे सुलभ होईल असे प्रतिपादन या वेळी लोकनेते रामशेठ ठाकूर यांनी केले.