मुर्बीतील कार्यकर्ते भाजपत

शेकापनेते गुरुनाथ ठाकूर समर्थकांचा प्रवेश

पनवेल ः रामप्रहर वृत्त

भारतीय जनता पार्टीमध्ये प्रवेश करणार्‍यांचा ओघ सातत्याने सुरु आहे. त्याअंतर्गत मुर्बी येथील शेकापचे युवा नेते गुरुनाथ ठाकूर यांनी त्यांच्या असंख्य कार्यकर्त्यांनी भाजपमध्ये शनिवारी (दि. 6) जाहीर प्रवेश केला. माजी खासदार लोकनेते रामशेठ ठाकूर यांनी प्रवेशकर्त्यांचे पक्षात स्वागत केले.

भारतीय जनता पार्टीच्या नेतृत्वावर विश्वास ठेवून अनेक पक्षांमधील पदधिकारी भाजपमध्ये दाखल होत आहेत. त्या अंतर्गत मुर्बी येथील शेकापचे युवानेते गुरुनाथ ठाकूर, अ‍ॅड.जयकिशन कुमटेकर, शेकापचे फुलाजी ठाकूर, प्रतापसिंह बाबेल, अशोक आच्छा, सुनिल दुग्गड, विनोद नाहर, विपीन सुराणा, प्रकाश बाफना, विनोद मेहता, राजेंद्र कुमार, दिनेश कोळी, मोहन राजपूत, शिवराम भोईर यांच्यासह असंख्य पदाधिकारी, कार्यकर्त्यांनी भाजपमध्ये जाहीर प्रवेश केला. हा पक्षप्रवेश सोहळा खारघर येथील भाजपच्या मध्यवर्ती कार्यालयात झाला.  या पक्ष प्रवेशावेळी भाजपचे रायगड जिल्हा सरचिटणीस अविनाश कोळी, तालुका अध्यक्ष अरुणशेठ भगत, तालुका सरचिटणीस प्रल्हाद केणी, दशरथ म्हात्रे, शिरवली विभागीय अध्यक्ष शिवाजी दुर्गे, पनवेल शहर अध्यक्ष जयंत पगडे, खारघर शहर अध्यक्ष ब्रिजेश पटेल, पनवेल महापालिकेच्या महिला व बालकल्याण सभापती लीना गरड, प्रभाग समिती बचे अध्यक्ष संजय भोपी, नगरसेवक अभिमन्यू पाटील तालुका उपाध्यक्ष संतोष शर्मा, खारघर उपाध्यक्ष राजेंद्र मांजरेकर, सरचिटणीस दीपक शिंदे यांच्यासह नगरसेवक, नगरसेविका, पदाधिकारी, कार्यकर्ते आणि मान्यवर मोठ्या संख्येने उपस्थित होते. या वेळी तालुकाध्यक्ष अरूणशेठ भगत यांनी या कार्यक्रमामध्ये मनोगत व्यक्त केले.