महिला व बालकल्याण सभापतिपदासाठी कुसुम म्हात्रे यांचा अर्ज दाखल

पनवेल ः रामप्रहर वृत्त

पनवेल महापालिकेच्या महिला व बालकल्याण सभापती लीना गरड यांचा सभापतिपदाचा कार्यकाळ संपत आला आहे. त्यामुळे नगरसेविका कुसुम म्हात्रे यांनी महिला व बालकल्याण सभापती पदासाठी आपला उमेदवारी अर्ज मंगळवारी नगरसचिव विलासराव खापर्डे  यांच्याकडे दाखल केला. या वेळी महापौर डॉ. कविता चौतमोल, सभागृह नेते परेश ठाकूर, स्थायी समिती सभापती प्रवीण पाटील, नगरसेवक जगदिश गायकवाड, माजी उपमहापौर चारुशीला घरत, नगरसेविका मुग्धा लोंढे, अरुणा भगत, अनिता पाटील, सुशीला घरत उपस्थित होते.