पनवेल शहर पोलिसांनी राबवली दंगा काबू योजना

पनवेल : वार्ताहर

पनवेल शहर पोलीस ठाणे हद्दीत हिंदू-मुस्लीम संमिश्र लोकवस्ती असलेल्या टपाल नाका परिसरात आज सकाळी दंगा काबू योजना राबविण्यात आली.

संमिश्र लोकवस्तीत टपाल नाका-मिरची गल्ली-मुसलमान नाका-पटेल मोहल्ला-कोळीवाडा-उरण नाका-शिवाजी चौक असा रूट मार्च केला. छत्रपती शिवाजी महाराज चौक या ठिकाणी उपस्थित अधिकारी व कर्मचारी यांना डिब्रिफिंग केले. दंगा काबू योजना रंगीत तालीममध्ये एसआरपीएफ, आरसीपी, झोन-2 स्ट्रायकिंग, बिटा-3, वाहतूक शाखा व पोलीस ठाण्याकडील एकूण 02 पोलीस निरीक्षक, 05 पोलीस अधिकारी, 89 कर्मचारी सहभागी झाले होते.