तालुकाध्यक्ष अरुणशेठ भगत यांच्या हस्ते अंगणवाडीच्या कामाचे भूमिपूजन

पनवेल : रामप्रहर वृत्त

आमदार प्रशांत ठाकूर यांच्या प्रयत्नाने आणि जिल्हा नियोजन निधी मधून वांगणी तर्फे वाजे येथे अंगणवाडी उभारण्यात येणार आहे. या अंगणवाडीच्या कामाचे भाजपचे पनवेल तालुका अध्यक्ष अरुणशेठ भगत यांच्याहस्ते शनिवारी (दि. 9) भुमिपूजन करण्यात आले.

भाजपचे उत्तर रायगड जिल्हाध्यक्ष आमदार प्रशांत ठाकूर यांच्या प्रयत्नांमुळे पनवेल तालुक्यात विविध विकासाची कामे सुरु आहे.

त्याअंतर्गत आमदार प्रशांत ठाकूर यांच्या सातत्यापुर्ण पाठपुरवठ्याने आणि रायगड जिल्हा परिषदेच्या जिल्हा नियोजन निदीमधून वांगणी तर्फे वाजे येथे अंगणवाडी उभारण्यात येणार आहे. या अंगणवाडीचे भाजपचे पनवेल तालुका अध्यक्ष अरुणशेठ भगत यांच्या हस्ते भुमीपूजन करण्यात आले.

या वेळी जि. प. सदस्य अमित जाधव, पं. स. सदस्य भुपेंद्र पाटील, भाजप युवा मोर्चा ग्रामीण तालुका अध्यक्ष आनंद ढवळे, सरपंच अशोक पवार, उपसरपंच अक्षता प्रवीण म्हात्रे, सदस्य संतोष शेळके, संतोष पाटील, माजी सरपंच गुरुनाथ भोईर, विभागीय अध्यक्ष सतीश मालुसरे, दीपक पाटील, गणेश भोईर, प्रवीण म्हात्रे, रघुनाथ भोईर, जयेश पाटील, भास्कर भोईर यांच्यासह पदाधिकारी, कार्यकर्ते आणि ग्रामस्थ उपस्थत होते.