मुरूड नगर परिषदेकडून जंतुनाशक फवारणी

मुरूड ः प्रतिनिधी

कोरोनाच्या पार्श्वभूमीवर मुरूड नगर परिषदेकडून संपूर्ण मुरूड शहरात जंतुनाशक फवारणी करण्यात आली. अग्निशमन गाडीच्या साह्याने रस्त्याच्या बाजूला असणारी गटारे व घाणीच्या सर्व ठिकाणांवर सोडियम हायपोक्लोराईडची फवारणी करण्यात आली. नगराध्यक्ष स्नेहा पाटील, मुख्याधिकारी अमित पंडित, विरोधी पक्षनेते मंगेश दांडेकर व सर्व नगरसेवकांच्या मागणीनुसार सदरची फवारणी मुरूड शहरात सुरू करण्यात आली. या औषध फवारणीमुळे मुरूडमधील नागरिकांनी समाधान व्यक्त केले आहे.