पोलिसांना सॅनिटायझरचे वाटप

पनवेल ः वार्ताहर

कोरोनाच्या पार्श्वभूमीवर सामाजिक बांधिलकी तसेच समाजासाठी कार्यरत असलेल्या पोलीस प्रशासनाच्या आरोग्याची काळजी म्हणून क्रांतिज्योत महिला विकास फाऊंडेशनच्या वतीने पनवेल येथील खांदेश्वर पोलीस स्टेशन येथे अधिकारी-कर्मचार्‍यांना पाच लिटर सॅनिटायझरचे वाटप करण्यात आले. सध्याच्या धकाधकीच्या जीवनात पोलीस वर्ग प्रत्येक वेळी लोकांपर्यंत पोहचत आहे. ते सतत जागरूक असतात. त्यांच्या आरोग्यासाठी हा उपक्रम क्रांतिज्योत महिला विकास फाऊंडेशन व निकेशा केमिकल्स प्रा. लि. यांच्या माध्यमातून राबविण्यात आला. क्रांतिज्योत महिला विकास फाऊंडेशनच्या अध्यक्षा रूपाली शिंदे, निकेशा केमिकल्स प्रा. लि.चे मृगेश दोषी यांच्या हस्ते सॅनिटायझरचे वाटप करण्यात आले.