‘सचिन सावंत खोटे बोलण्याची फॅक्टरी’

मुंबई : मजुरांचे 85 टक्के रेल्वेभाडे केंद्र सरकार भरते, हा भाजपचा खोटारडेपणा उघडकीस आला, असा दावा करणारे एक प्रसिद्धीपत्रक काँग्रेसचे उपेक्षित प्रवक्ते सचिन सावंत यांनी काढले. यावर कुठल्याही अभ्यासाअभावी केवळ प्रेसनोटच्या भरोशावर जीवंत असलेल्या सचिन सावंत यांचे नाव सर्वाधिक खोटारडी प्रेसनोट काढणार्‍या यादीत आता अव्वल क्रमांकावर येत आहे. खोटे बोलण्याची फॅक्टरी आहे, अशा शब्दांत माजी मंत्री आमदार अ‍ॅड. आशिष शेलार यांनी त्यांना सुनावले आहे. सचिन सावंत हे ‘उपेक्षित’ जरूर आहेत, पण त्यांनी आपल्या प्रवक्तेपदासाठी ‘अपेक्षित’ अभ्यास करूनच बोलावे, असेही शेलार यांनी म्हटले आहे.