रायगडात तब्बल 87 नवे रुग्ण; पाच जणांचा मृत्यू

पनवेल : रायगड जिल्ह्यात बुधवारी (दि. 17) कोरोनाच्या तब्बल 87 नव्या रुग्णांची नोंद झाली असून, पाच जणांचा मृत्यू झाला आहे. पनवेल महापालिका हद्दीत 41, पनवेल ग्रामीणमध्ये 18, पेण तालुक्यात 12, महाड तालुक्यात पाच, कर्जत तालुक्यात चार, अलिबाग तालुक्यात तीन आणि उरण, खालापूर, रोहे व माणगाव तालुक्यात प्रत्येकी एक रुग्ण आढळला आहे, तर मृतांमध्ये पनवेल मनपा हद्दीतील कामोठे येथील दोन, कळंबोली व तळोजा-पाचनंद येथील एक आणि अलिबाग तालुक्यातील मोठे शहापूर येथील एक अशा पाच रुग्णांचा समावेश आहे. दुसरीकडे दिवसभरात 23 रुग्ण बरे झाले. दरम्यान, नव्या पॉझिटिव्ह रुग्णांमुळे जिल्ह्यातील कोरोनाबाधितांचा एकूण आकडा 1983वर पोहचला असून, मृतांची संख्या 89 झाली आहे.