मोहोपाडा गणेशनगरमध्ये दोघांना कोरोना

मोहोपाडा : प्रतिनिधी

 वासांबे (मोहोपाडा) हद्दीत मागील आठवड्यापासून पुन्हा कोरोनाने शिरकाव केला असून गुरुवारी गणेशनगरमध्ये दोघा पती-पत्नीचा कोरोना अहवाल पॉजिटीव्ह आला आहे.पती कामानिमित्त तळोजा येथे ये-जा करत होता. त्यातच कोरोना संसर्ग झाल्याचा अंदाज बांधला जात आहे. सध्या वासांबे मोहोपाडा हद्दीत गणेशनगरमध्ये दोन, नविन पोसरी दोन,भटवाडी एक, रिस एक, रिसवाडी एक,कांबे एक असे आठ कोरोना रुग्ण सापडले असून नागरिकांनी खबरदारी घेण्याची गरज निर्माण झाली आहे. वासांबे (मोहोपाडा) हद्दीत कोरोणाबाधित परीसरात वासांबे ग्रामपंचायतीकडून जंतुनाशक फवारणी करण्यात येत आहे.