रायगडात 16 रुग्णांचा मृत्यू; 648 नवे पॉझिटिव्ह

पनवेल : रामप्रहर वृत्त

रायगड जिल्ह्यात 16 कोरोना रुग्णांच्या मृत्यूची आणि 648 नव्या रुग्णांची नोंद सोमवारी (दि. 14) झाली, तर दिवसभरात 600 रुग्ण बरे झाले. मयत रुग्णांमध्ये अलिबाग तालुक्यातील पाच, पनवेल व कर्जत प्रत्येकी तीन, रोहा दोन आणि खालापूर, पेण व माणगाव तालुक्यातील प्रत्येकी एकाचा समावेश आहे; तर पॉझिटिव्ह आढळलेले रुग्ण पनवेल तालुक्यात 284, अलिबाग 77, रोहा 71, माणगाव 61, पेण 58, खालापूर 35, कर्जत 27, महाड 18, उरण सहा, सुधागड व श्रीवर्धन प्रत्येकी चार, पोलादपूर दोन आणि तळा तालुक्यातील एक असे आहेत. नव्या रुग्णांमुळे जिल्ह्यातील कोरोनाबाधितांचा एकूण आकडा 37,773 व मृतांची संख्या 1022 झाली आहे. जिल्ह्यात 30,159 जण कोरोनामुक्त झाल्याने 6592 विद्यमान रुग्ण आहेत.