Breaking News

रोह्यात ग्रामपंचायत निवडणुकीचा रणसंग्राम

नामनिर्देशनपत्र दाखल करण्यासाठी तहसील कार्यालयात गर्दी

रोहे : प्रतिनिधी

तालुक्यातील 21 ग्रामपंचायतीच्या सार्वत्रिक निवडणुका जाहीर झाल्या असून, त्यासाठी उमेदवारी अर्ज दाखल करण्याकरीता रोहे तहसिल कार्यालयात बुधवारी (दि. 30) उमेदवार व त्यांच्या कार्यकर्त्यांची गर्दी झाली होती.

रोहा तालुक्यातील रोठ बुद्रुक, वरसे, रोठ खुर्द, तळाघर, घोसाळे, शेणवई, खांब, गोवे, चिंचवली तर्फे दिवाळी, तिसे, महाळुंगे, शेडसई, निडि तर्फे अष्टमी, वावे पोटगे, कोंडगाव, वरवटणे, वाशी, ऐनघर, मालसई, पळस आणि धामणसई या 21 ग्रामपंचायतीची मुदत संपली आहे. यांच्या सार्वत्रिक निवडणुकांचा कार्यक्रम जाहीर झाला आहे. या 21 ग्रामपंचायतींच्या एकूण 68प्रभागातील 191 सदस्य पदांसाठी उमेदवारी अर्ज दाखल करण्याची मुदत 30 डिसेंबरपर्यंत होती. नामनिर्देशन पत्र दाखल करण्याच्या शेवटच्या दोन दिवसात (दि. 29 आणि 30) रोहा तहसील कार्यालयात उमेदवार व त्यांच्या कार्यकर्त्यांची गर्दी दिसून आली.

गुरूवारी (दि. 31) उमेवारी अर्जांची छाननी, 4 जानेवारीपर्यंत नामनिर्देशनपत्र मागे घेण्याची मुदत आहे. याच दिवशी निवडणूक चिन्हांचे वाटप व निवडणूक लढविणार्‍या उमेदवारांची यादी प्रसिद्ध होणार आहे. त्यानंतर या निवडणूकीचे चित्र स्पष्ट होणार आहे. विस्ताराने मोठ्या असलेल्या रोहा तालुक्यातील वरसे व ऐनघर या ग्रामपंचायतीच्या निवडणुकीकडे सगळ्यांचे लक्ष लागले आहे.

ग्रामपंचायत         प्रभाग     सदस्य संंख्या

रोठ बुद्रुक              3              7

वरसे       6              17

रोठ खुर्द 3              9

तळाघर  3              9

घोसाळे 3              9

शेणवई   3              9

खांब       3              9

गोवे        3              9

चिंचवली तर्फे दिवाळी     3        7

तिसे       3              9

महाळुंगे 3              7

शेडसई   3              7

निडी तर्फे अष्टमी      3              9

वावे पोटगे             3              7

कोंडगाव                3              9

वरवटणे                 3              9

वाशी       3              9

ऐनघर    5              15

मालसई 3              9

पळस     3              9

धामणसई            3              7

Check Also

लोकसभेचा ‘मत’संग्राम

जगातील सर्वांत मोठी लोकशाही असलेल्या भारतात लोकसभेची निवडणूक होत आहे. हा सामना भाजपप्रणित राष्ट्रीय लोकशाही …

Leave a Reply