रामशेठ ठाकूर इंटरनॅशनल स्पोर्ट्स कॉम्प्लेक्समध्ये क्रिकेट प्रशिक्षण

पनवेल : रामप्रहर वृत्त

आय थिंक स्पोर्टझ क्रिकेट अकॅडमीच्या वतीने उलवे नोड येथील रामशेठ ठाकूर इंटरनॅशनल स्पोर्ट्स कॉम्प्लेक्स (आरटीआयएएसी)मध्ये आठ वर्षांवरील मुला-मुलींसाठी क्रिकेट प्रशिक्षण वर्ग आयोजित करण्यात आले आहेत. प्रशिक्षणार्थींना एसबी लेव्हल 3, बीसीसीआय लेव्हल 2, अफगाणिस्तान व नेपाळ राष्ट्रीय संघाचे फलंदाजी सल्लगार, विदर्भ क्रिकेट अकॅडमी (16 वर्षांखालील)चे मुख्य प्रशिक्षक उमेश पटवाल यांच्या मार्गदर्शनखाली संतोष मटकर, सचिन सावंत, उपेंद्र यादव व अंबरिका यादव क्रिकेटचे धडे देणार आहेत.

क्रिकेट प्रशिक्षण वर्गाचे उद्घाटन शनिवारी (दि. 6) सकाळी 11 वाजता होणार असून, या समारंभास प्रमुख पाहुणे म्हणून माजी खासदार लोकनेते तथा ‘आरटीआयएएसी’चे संस्थापक रामशेठ ठाकूर, एमडी परेश ठाकूर, उमेश पटवाल आदी मान्यवर उपस्थित राहणार आहेत, तर सन्माननीय अतिथी म्हणून लक्ष्मणशेठ पाटील, मनोहर ओवळेकर, अभिमन्यू पाटील, प्रतिक ठाकूर, अभिजीत जाधव, रामचंद्र कदम, रवींद्र भगत, राजेश खारकर, श्रीपत पाटील, भार्गव ठाकूर, अमोल देशमुख, श्रीकांत पाटील यांची उपस्थिती लाभणार आहे.

क्रिकेटपटूंना शनिवार, रविवार, सोमवार आणि मंगळवारी सायंकाळी 4 ते 6 या वेळेत प्रशिक्षण देण्यात येणार आहे. प्रशिक्षण पूर्ण करणार्‍यांना प्रमाणपत्र दिले जाणार आहे. इच्छुकांनी नावनोंदणी, तसेच अधिक माहितीसाठी संतोष मटकर (9819190580), सचिन सावंत (9702647976) राजेश सिंग (9987065598) किंवा आशिष साबळे (8291556666) यांच्याशी संपर्क साधावा, असे आवाहन करण्यात आले आहे.