महायुतीच्या प्रचाराला आला वेग

मनपा प्रभाग 1मध्ये मतदारांशी सुसंवाद

पनवेल : रामप्रहर वृत्त

मावळ मतदारसंघातील भाजप, शिवसेना महायुतीचे उमेदवार श्रीरंग बारणे यांच्या प्रचारार्थ विविध मतदारसंघांमध्ये प्रचार रॅलीचे आयोजन करण्यात येत आहे. त्या पार्श्वभूमीवर पनवेल मतदारसंघातील प्रभाग 1 मध्ये बुधवारी प्रचार रॅलीचे आयोजन करण्यात आले होते.

मावळ लोकसभा मतदारसंघातील भाजप, शिवसेना महायुतीचे उमेदवार श्रीरंग बारणे यांनी आपला उमेदवारी अर्ज जोरदार शक्ती प्रदर्शन करीत दाखल केला. त्याअंतर्गत प्रत्येक मतदारसंघांमधील नेते, पदाधिकारी आणि कार्यकर्ते महायुतीचे उमेदवार यांचा प्रचार करण्यासाठी सज्ज झाले आहेत. त्याअंतर्गत पनवेल मतदारसंघातील धानसर, किरवली, धरणा, खुटारी, रोहिंजन, पिसर्वे, करवले या गावांमध्ये भाजप शिवसेना महायुतीचे गेल्या पाच वर्षांमध्ये केलेली विकासकामे मतदारांपर्यंत पोहचवून श्रीरंग बारणे यांना विजयी करण्याचे आवाहन केले. या वेळी भाजपचे पनवेल तालुका सरचिटणीस प्रल्हाद केणी, नगरसेवक संतोष भोईर, नंदू म्हात्रे, शिवसेनेचे गणेश म्हात्रे, रामदास पाटील, एकनाथ म्हात्रे, संतोष पाटील, चाहुशेठ पाटील, मुरलीधर पाटील यांच्यासह पदाधिकारी, कार्यकर्ते आणि मान्यवर उपस्थित होते.