खालापुरात दोन वाहने उलटली

खोपोली : प्रतिनिधी

खालापूर तालुक्यातील महामार्गावर रविवारी (दि. 4) सकाळी दोन वाहने उलटण्याच्या घटना घडल्या असून, त्यात जीवितहानी झाली नसली तरी वाहनांचे मोठ्या प्रमाणात नुकसान झाले आहे. मुंबई – पुणे महामार्गावरील हॉटेल बागेश्री जवळ रविवारी सकाळी साडेसहाच्या सुमारास खोपोलीकडून पनवेलच्या दिशेने जाणारा ट्रक (एमएच-46,एएफ-2500)  उलटला तर खोपोली – पेण मार्गावर खोपोलीकडून पेणच्या दिशेने जाणारी कार (एमएच-12,केवाय -756)  सकाळी दहाच्या सुमारास उलटली. या दोन्ही अपघातांत वाहनांचे मोठ्या प्रमाणात नुकसान झाले असून, सुर्देवाने कोणतीही जीवितहानी झाली आहे. अपघातग्रस्त वाहनचालकांना परिसरातील नागरिकांनी मदत करून त्यांना अपघातग्रस्त वाहनांमधून सुखरूप बाहेर काढले.