आमदार प्रशांत ठाकूर यांच्या माध्यमातून पनवेलमध्ये विकासकामे

पनवेल ः रामप्रहर वृत्त

भाजपचे उत्तर रायगड जिल्हाध्यक्ष आमदार प्रशांत ठाकूर यांच्या माध्यमातून विकासाची अनेक कामे करण्यात येत असतात. त्यांच्या स्थानिक आमदार विकास निधीतून पाले बुद्रुक येथील पालेश्वरी मंदिर ते लक्ष्मण उलवेकर यांच्या घरापर्यंतच्या रस्त्याचे काँक्रिटीकरणाचे काम पूर्ण झाले आहे. त्याचप्रमाणे त्यांच्या प्रयत्नातून जिल्हा वार्षिक योजनेतून वाकडी ते दुंदरे या रस्त्याचे काँक्रिटीकरण करण्यात येत असून त्याच्या पहिल्या टप्प्याचे काम पूर्ण झाले आहे. या विकासकामांचे उद्घाटन सोमवारी (दि. 6) करण्यात आले. या कार्यक्रमास भाजपचे तालुका अध्यक्ष अरुणशेठ भगत, उपाध्यक्ष संजय पाटील, सरचिटणीस राजेंद्र पाटील, जिल्हा उपाध्यक्ष प्रल्हाद केणी, भाजप नेते एकनाथ देशेकर, जि. प. सदस्य अमित जाधव, पं. स. सदस्य भूपेंद्र पाटील, ज्येष्ठ कार्यकर्ते नाथा आगलावे, कृष्णा पाटील, प्रकाश खैरे, दुंदरेच्या सरपंच अनुराधा वाघमारे, माजी सरपंच नरेश पाटील, माजी उपसरपंच रमेश पाटील, वाकडी सरपंच कुंदा पवार, भाजप नेते संतोष पाटील, माजी उपसरपंच अरुण पाटील, जनार्दन पाटील, नामदेव जमदाडे, शत्रुघ्न उसाटकर, धनंजय पाटील, ग्रामपंचायत सदस्य लक्ष्मण उलवेकर, गोविंद म्हात्रे, बुधाजी मोरावकर, अविनाश उलवेकर, दीपक उलवेकर, प्रमोद भोपी, अशोक उलवेकर, श्रीपाद म्हात्रे यांच्यासह पदाधिकारी, कार्यकर्ते आणि ग्रामस्थ उपस्थित होते.

मविआ सरकार गुन्हेगारांना पाठीशी घालतेय!
या वेळी आमदार प्रशांत ठाकूर यांनी महाविकास आघाडी सरकार हे गुन्हेगारांना पाठीशी घालणारे सरकार असल्याची घाणाघाती टीका केली. ते पुढे म्हणाले की, राज्यातील महाविकास आघाडी सरकार हे कर्नाळा बँकेच्या भ्रष्टाचाराला पाठीशी घालण्याचे काम करीत आहे. कर्नाळा बँक घोटाळ्याचे सूत्रधार अटक झाले असले, तरीही या घोटाळ्यामध्ये फक्त विवेक पाटीलच नाही, तर शेतकरी कामगार पक्षाचे सर्व नेते सारखेच दोषी आहेत. जितके दिवस हे महाविकास आघाडीचे सरकार सत्तेत असेल, तितका काळ तुमचा आमचा घात होत राहील. त्यामुळे आपण जागरूक राहून येणार्‍या पुढील काळात भाजपच्या माध्यमातून विकासकामांच्या जोरावर जनतेची सेवा करत राहू.