मोठी जुई-कोप्रोली रस्त्यावर विचित्र अपघात; सहा जण जखमी

उरण : वार्ताहर

मोठी जुई बस स्थानकाजवळील प्रवाशी नागरीकांना रिक्षा मध्ये घेण्यासाठी उभ्या असलेल्या आटो रिक्षाला मागून आलेल्या प्रवाशी कारने धडक दिली. या झालेल्या अपघातादरम्यान रस्त्यावरून मार्गक्रमण करणार्‍या मोटरसायकल स्वारांनीही प्रवाशी कारला जोरदार धडक दिली. या झालेल्या विचित्र अपघातात मोटरसायकल स्वार गंभीररीत्या जखमी झाला आहे. तसेच इतर पाच जण जखमी झाले आहेत. अपघातातील जखमींना तत्काळ उपचारासाठी कोप्रोलीतील रुग्णालयात दाखल करण्यात आले आहेत.

मिळालेल्या माहितीनुसार, रविवारी (दि. 12) दुपारी मोठी जुई बस स्थानकाजवळील प्रवाशी नागरीकांना रिक्षामध्ये घेण्यासाठी आटो रिक्षा रस्त्यावर उभी होती. त्याच दरम्यान रस्त्यावरून मार्गक्रमण करणार्‍या प्रवाशी कारने मागून उभ्या असलेल्या आटो रिक्षाला धडक दिली. तसेच रस्त्यावरून मार्गक्रमण करणार्‍या मोटरसायकल स्वारांनीही प्रवासी कारला जोरदार धडक दिली. या झालेल्या विचित्र अपघातात मोटरसायकल स्वार गंभीररीत्या जखमी झाला आहे. तसेच इतर पाच जण जखमी झाले आहेत. जखमींना इतर प्रवाशी नागरीकांनी आप आपली वाहने थांबवून तत्काळ उपचारासाठी कोप्रोली (नवी मुंबई) रुग्णालयात दाखल करून घेण्यासाठी पुढाकार घेतला.