रामशेठ ठाकूर महाविद्यालयातर्फे गरजूंना दिवाळी फराळ, कपडे वाटप

खारघर : रामप्रहर वृत्त

दिवाळी या सणानिमित्त आदिवासी पाड्यातील लोकांबरोबर काही आनंदाचे क्षण वाटण्याच्या दृष्टीने जनार्दन भगत शिक्षण प्रसारक संस्थेच्या खारघर येथील रामशेठ ठाकूर वाणिज्य व विज्ञान महाविद्यालयाच्या वतीने दिवाळी फराळ व कपडे वाटप उपक्रम शनिवारी (दि. 30) खारघरच्या घोळवाडी येथे राबविण्यात आले.

या उपक्रमाचे उद्घाटन प्रभारी प्राचार्य डॉ. निलेश कोळी यांच्या हस्ते करण्यात आले. या वेळी आयक्यूएसीचे समन्वयक प्रा. महेश्वरी झिरपे, एनएसएस विभागाचे कार्यक्रम अधिकारी प्रा. प्रवीण सावे, डिएलएलई विभागप्रमुख प्रा. महेश धायगुडे, प्रा. रोहित पाटील, एनएसएस स्वयंसेवक आणि डिएलएलई स्वयंसेवक उपस्थित होते.

या उपक्रमातून आदिवासी पाड्यातील लोकांबरोबर विद्यार्थ्यांचा संवाद वाढविण्याचा प्रयत्न केला गेला. या उपक्रमाच्या यशस्वितेसाठी प्रा. भरत सोलंकी यांच्यासह शिक्षकेत्तर कर्मचार्‍यांनी महत्त्वपुर्ण योगदान दिले. महाविद्यालयीन विद्यार्थी व विद्यार्थीनींनी या उपक्रमात सहभागी होऊन घोळवाडी येथील आदिवासी लोकांना दिवाळी फराळ व कपडे वाटप करून मदत केली.

या उपक्रमाचे यशस्वी आयोजन केल्याबद्दल जनार्दन भगत शिक्षण प्रसारक संस्थेचे चेअरमन माजी खासदार लोकनेते रामशेठ ठाकूर, आमदार प्रशांत ठाकूर, संस्थेचे सचिव डॉ. सिध्देश्वर गडदे यांनी आयोजकांचे विशेष कौतुक केले.