पनवेलमध्ये दोन अपघातांत एक ठार, तिघे जखमी

पनवेल : वार्ताहर

पनवेल परिसरात झालेल्या दोन वेगवेगळ्या अपघातात एक ठार आणि तीन जण जखमी झाल्याची घटना घडली आहे. पनवेलजवळील साईदीप हॉटेलजवळून फिर्यादी सस्मीत डोके (वय 35, रा.डेरवली) हा शिवनाथ साह (वय 34, रा. एपीएमसी मार्केट) हे दोघे दुचाकीवरून पनवेल बस डेपो बाजूकडे येत होते. या वेळी अचानक पाठीमागून वेगाने आलेल्या सफेद रंगाच्या कारवरील चालकाने त्यांच्या गाडीस धडक दिली. यात ते दोघे जखमी होऊन या अपघातात शिवनाथ साह याचा मृत्यू झाला. या घटनेनंतर कारचालक कारसह पळून गेला आहे. या अपघाताची नोंद पनवेल शहर पोलीस ठाण्यात करण्यात आली आहे. दुसर्‍या घटनेत खांंदा वसाहत येथील नवीन पनवेल ते खांदा कॉलनी ओव्हर ब्रीजवरून फिर्यादी स्वाती दास (वय 55) या रिक्षाचालक विकी गायकवाड (वय 28) याच्या रिक्षातून जात होत्या. या वेळी पुढे चाललेल्या डंपरला रिक्षाने पाठीमागून धडक दिली. या झालेल्या अपघातात हे दोघे जखमी झाले असून रिक्षाचेही नुकसान झाले आहे. या अपघाताची नोंद खांदेश्वर पोलीस ठाण्यात करण्यात आली आहे.