आमदार प्रशांत ठाकूर यांच्या हस्ते‘नेटपॅक’चे उद्घाटन

उरण ः वार्ताहर, प्रतिनिधी
प्रजासत्ताक दिनाच्या पूर्वसंध्येला वैभव महाडिक यांनी तयार केलेल्या ‘नेटपॅक’ या ओटीटी प्लॅटफॉर्म असलेल्या अ‍ॅपच्या अनावरण सोहळ्याचे आयोजन खांदा कॉलनी येथील सीकेटी महाविद्यालयात करण्यात आले होते. या नेटपॅक अ‍ॅपचे भाजप उत्तर रायगड जिल्हाध्यक्ष आमदार प्रशांत ठाकूर व गायक नंदेश उमप यांच्या हस्ते सोमवारी (दि. 25) उद्घाटन करण्यात आले. कार्यक्रमाला माजी खासदार लोकनेते रामशेठ ठाकूर यांनी भेट देऊन पुढील यशस्वी वाटचालीसाठी सदिच्छा व्यक्त केल्या.
या वेळी एक थी बेगम फेम प्रदीप डोईफोडे, डॉ. बाबासाहेब आंबेडकर फेम संकेत कोर्लेकर, कंपनी डायरेक्टर प्रवीण कुठार, अभिनेत्री दीपाली जाधव, अभिनेता दिग्दर्शक वैभव सातपुते आदी उपस्थित होते.