ईश फाऊंडेशनतर्फे ‘रिअल हिरों’चा सन्मान

पनवेल : वार्ताहर

खारघर सेक्टर 5 (गोल्फ कोर्स) येथील डोंगरावर 18 जुलै रोजी अडकलेल्या 118 पर्यटकांची सुखरूप सुटका करण्याचे कार्य खारघर पोलीस ठाण्याचे वरिष्ठ अधिकारी शत्रुघ्न माळी यांच्या मार्गदर्शनाखाली पोलीस कर्मचारी व अग्निशमन दलाच्या जवानांनी केले. त्यांच्या या कामाचे कौतुक करण्यासाठी ईश फाऊंडेशनने लाइफ सेव्हीअर अ‍ॅवॉर्ड रिअल हिरो या नावाने प्रमाणपत्र देऊन सन्मान केला.

या वेळी फाऊंडेशनचे संस्थापक अध्यक्ष कीर्ती मेहरा, संकल्प प्रतिष्ठान खारघरचे सरचिटणीस अजय माळी, फाऊंडेशनचे सुनील सचदेवा, पिंकी शर्मा, अनुज मित्तल, हरिंदर सिंग मान, दिव्या मेहरा, दिलीप भाई जेना, समाजसेवक संतोष तांबोळी, फाऊंडेशनच्या खजिनदार आरती मेहरा, हेमंत म्हात्रे, हरिंदर सिंग आदी उपस्थित होते.