केदार भगत मित्र परिवाराकडून हळदीकुंकू आणि महिलांचा सन्मान

पनवेल ः रामप्रहर वृत्त
पनवेलच्या जडणघडणीत महिलांचे योगदान महत्त्वाचे असून त्यांचा आदर्श घेऊन महिलांनी कार्यरत राहावे, असे आवाहन भाजपचे उत्तर रायगड जिल्हाध्यक्ष आमदार प्रशांत ठाकूर यांनी येथे केले. केदार भगत मित्र परिवाराच्या वतीने महिला दिनाचे औचित्य साधून आयोजित हळदीकुंकू आणि 21 कर्तृत्ववान महिलांचा सन्मान तसेच चला खेळूया पैठणी कार्यक्रम आयोजित करण्यात आला होता. त्यावेळी प्रमुख पाहुणे म्हणून आमदार प्रशांत ठाकूर बोलत होते.
या कार्यक्रमास महापौर डॉ. कविता चौतमोल, उपमहापौर सीताताई पाटील, भाजप महिला मोर्चा तालुका अध्यक्ष रत्नप्रभा घरत, शहर अध्यक्ष वर्षा नाईक, नगरसेवक अजय बहिरा, नगरसेविका दर्शना भोईर, रूचिता लोंढे, माजी नगरसेविका नीता माळी, सुहासिनी शिवणेकर, सुहासिनी केकाणे, नीता मंजुळे, लीना पाटील, दत्ता केंद्रे, नंदकुमार धोत्रे, आयोजक केदार भगत आदी उपस्थित होते.
जागतिक महिला दिनानिमित्त सर्वत्र महिलांसाठी विविध कार्यक्रम होत असतात. पनवेलमध्येही असाच कार्यक्रम भाजपचे युवा नेते केदार भगत यांच्या मित्र परिवाराच्या वतीने आयोजित करण्यात आला होता. या वेळी हळदीकुंकूसोबतच गुरू कदम यांच्या चला जिंकूया पैठणी या खेळाचेही आयोजन करण्यात आले. या कार्यक्रमात शेकडो महिला सहभागी झाल्या होत्या.
या वेळी आमदार प्रशांत ठाकूर म्हणाले की, महिला आणि पुरुष एकच नाण्याच्या दोन बाजू आहेत. महिला या त्यागमूर्ती असल्याने त्यांचा नक्कीच मान-सन्मान झाला पाहिजे. त्यांचा सन्मान हा सर्व समाजासमोर होतो ही आनंदाची बाब आहे. महिलांचे कार्य उदात्त असते. महिलांचा सन्मान करून त्यांना प्रेरणा मिळावी हाच हा कार्यक्रमाचा उद्देश आहे. केदार भगत आणि मित्र परिवार नेहमीच समाजाप्रती कार्यरत असतात. त्यांनी आज या कार्यक्रमाचे आयोजन करून महिलांचा उचित सन्मान केला. त्याबद्दल त्यांचे कौतुक केले पाहिजे.
महिलांना नेहमी आकर्षित करणारी पैठणी या कार्यक्रमात विजेत्यांना बक्षिस म्हणून देण्यात आली. त्यामध्ये लकी ड्रॉ, तीन पैठणी साड्या, 51 आकर्षक बक्षिसे देण्यात आली.
या कार्यक्रमाचे उद्घाटन सभागृह नेते परेश ठाकूर यांच्या हस्ते, तर पारितोषिक वितरण वर्षा ठाकूर, अर्चना ठाकूर, पूनम ठाकूर यांच्या हस्ते करण्यात आले. याशिवाय या कार्यक्रमात 21 कर्तृत्ववान महिलांचा यथोचित सन्मान करण्यात आला.
कार्यक्रम यशस्वी करण्यासाठी गीतांजली भगत, निकिता पाटील, सायली भगत, मंजिरी भगत, जिन्यासा भगत, प्रज्ञा भगत, योगिता डांगरे, प्रीती पाटील, प्रणाली बहिरा, अवंती गडगे, अंकिता बहिरा, सिमीन साळवी, अनिता गायकर, माधुरी अनिकेत सावंत, वैभवी वाघिलकर, पूनम पारचे, प्रचिती शेट्ये, श्रेया जाचक, ज्योत्स्ना दसवते, भक्ती शिंदे, अंजली अनभुले, प्रीती दसवते, भाविक शिंदे, संजीवनी वर्तले, अनिता ढगे, कांचन कदम, स्वप्नाली धनावडे, प्रतीक्षा दसवते, आरती घरत, अनिता मढवी, सुमित दसवते, संकेत दसवते, भावेश शिंदे, संतोष वर्तले, हर्षद गडगे, नितेश भगत, योगेश साळवी, अनिकेत सावंत, ब्रिजेश बहिरा, गौरव सावंत, साहिल मोरे, निखिल खैरे, श्रेयश शिंदे, रवी पारचे, सचिन जाचक, प्रथमेश धनावडे, जयदीप भगत, मंगेश भगत, मंदार भगत, सुबोध पाटील, चिन्मय भगत, निहाल म्हात्रे, सिद्धू मोरे, यज्ञेश पाटील, अथर्व पाटील, सचिन भगत, जयेश भगत, कुमार भगत, मच्छींद्र भगत, बाळकृष्ण भगत, नितीन पाटील, संतोष कथोरे यांनी प्रयत्न केले.
सुनेने मानले पतीला किडनी दान केलेल्या सासूचे आभार
नवीन पनवेलमधील शशिकांत लोखंडे यांची किडनी निकामी झाली असताना त्यांच्या आईने म्हणजेच बेबीताई चंदक्रांत लोखंडे यांनी त्यांना स्वत:ची किडनी दान केली. केदार भगत मित्र परिवाराने त्यांचा जाहीर सन्मान केला. त्यांची सून स्नेहा शशिकांत लोखंडे यांना कार्यक्रमाला आमंत्रित करण्यात आले होते. या वेळी स्नेहा लोखंडे यांनी आपल्या सासूचे जाहीर आभार मानले. त्या म्हणाल्या की, सासूने मला माझे फक्त सौभाग्यच नाही, तर सर्वस्वच परत दिले. त्यामुळे त्यांचे आभार या व्यासपीठावरून जाहीरपणे मानत आहे. केदार भगत यांचे हे व्यासपीठ उपलब्ध करून दिल्याने त्यांचेही लोखंडे यांनी आभार व्यक्त केले.