शरद थळे यांचा समर्थकांसह भाजपमध्ये प्रवेश

अलिबाग : प्रतिनिधी

तालुक्यातील घोटोवडे गावाचे शरद थळे यांनी त्यांच्या समर्थकांसह भारतीय जनता पक्षात जाहीर प्रवेश केला. भाजपचे अलिबाग तालुका अध्यक्ष परशुराम म्हात्रे, राज्य परिषद सदस्य लेले,ओबीसी सेल अध्यक्ष अशोक वारगे, जिल्हा कार्यकारीणी सदस्य समिर राणे, जिल्हा सांस्कृतिक सेल अध्यक्ष केदार आठवले,रामराज विभाग अध्यक्ष आदित्य पाटील यांच्यासह भाजप कार्यकर्ते या वेळी मोठ्या संख्येने उपस्थित होते. या वेळी शरद थळे यांची अलिबाग तालुका चिटणीसपदी नियुक्ती करण्यात आली.