Breaking News

रविवारी नमो खारघर मॅरेथॉन; मान्यवरांची लाभणार उपस्थिती

पनवेल : रामप्रहर वृत्त
रामशेठ ठाकूर इंटरनॅशनल स्पोर्ट्स कॉम्प्लेक्स आणि खारघर रेसिडन्स वेलफेअर असोसिएशन यांच्या संयुक्त विद्यमाने एक धाव महिला नेतृत्वाखाली विकासासाठी हे महिलांप्रती आदरभावना अधोरेखित करणारे घोषवाक्य घेऊन नमो खारघर मॅरेथॉन 2024 ही स्पर्धा रविवारी (दि.14) होणार आहे. या अनुषंगाने खारघर धावणार आहे.
देशाचे लोकप्रिय पंतप्रधान नरेंद्र मोदी यांच्या नेतृत्वाखाली भारताने घेतलेल्या आंतरराष्ट्रीय भरारी व देशाच्या झालेल्या विकासाबद्दल आदरभावना व्यक्त करण्यासाठी महाराष्ट्र प्रदेश भारतीय जनता पक्ष कार्यकारिणीने दिलेल्या निर्देशानुसार संपूर्ण महाराष्ट्रात नमो चषक स्पर्धा होणार आहे. त्यानुसार पनवेल विधानसभा क्षेत्रात विविध कला व क्रीडा स्पर्धा आयोजित केल्या आहेत. त्या अंतर्गत रविवारी सकाळी 5 वाजता नमो खारघर मॅरेथॉन होणार आहे. या स्पर्धेला खारघर सेक्टर 19 येथील रामशेठ ठाकूर पब्लिक स्कूल येथून सुरुवात होईल.
माजी खासदार लोकनेते रामशेठ ठाकूर यांच्या अध्यक्षतेखाली होणार्‍या होणार्‍या मॅरेथॉनला प्रमुख पाहुणे म्हणून पनवेल महापालिकेचे आयुक्त गणेश देशमुख, तर सन्माननीय उपस्थिती म्हणून आमदार महेश बालदी, प्रवासी संघाचे (एनजीओ) अध्यक्ष तरुण राठी, भाजपचे उत्तर रायगड जिल्हाध्यक्ष अविनाश कोळी, सेलिब्रिटी जया जुगल परमार यांची उपस्थिती लाभणार आहे.
लोकनेते रामशेठ ठाकूर, आमदार प्रशांत ठाकूर यांच्या मार्गदर्शनाखाली सन 2006 साली पनवेल मॅरेथॉनच्या अनुषंगाने या स्पर्धेला प्रारंभ झाला. प्रथम आयोजनापासून ते आजपर्यंत उत्तम आणि नीटनेटक्या आयोजनामुळे ही स्पर्धा उत्तरोत्तर यशस्वी होत गेली. यापूर्वीच्या मॅरेथॉन स्पर्धा रन अगेन्स्ट एडस, पर्यावरणाच्या संरक्षणासाठी, एक धाव आरोग्यदायी पनवेलसाठी, रन फॉर निर्भय भारत, सद्भावना दौड, एक धाव पाणीबचतीसाठी, स्त्री-भ्रूणहत्येविरोधात एक धाव, एक धाव महिलांच्या सन्मानासाठी, रन टू प्रमोट कॅशलेस ट्रान्झक्शन, हम फिट तो इंडिया फिट, एक धाव व्यसनमुक्तीसाठी अशी घोषवाक्य घेऊन यशस्वीरित्या उत्कृष्ट आयोजनाने यशस्वी झाल्या आहेत. यंदा एक धाव महिला नेतृत्वाखाली विकासासाठी ही थीम आहे.
सामाजिक व शारीरिक हित जोपासले जात उत्कृष्ट व सुयोग्य नियोजन आणि वेगवेगळ्या सामाजिक संदेशासाठी प्रसिद्ध असलेल्या या स्पर्धेने लोकप्रियतेची शिखरे गाठली आहेत. यंदाची ही स्पर्धा 14वी असून स्पर्धा पुरुष खुला गट 10 किलोमीटर अंतर, महिला खुला गट 10 किलोमीटर अंतर, 17 वर्षाखालील मुले गट पाच किमी अंतर, 17 वर्षाखालील मुली गट पाच किलोमीटर, 14 वर्षाखालील मुले गट पाच किमी अंतर, 14 वर्षाखालील मुली गट पाच किमी अंतर तसेच खारघर दौड गट तीन किलोमीटर आणि सिनिअर सिटीझन दौड दोन किलोमीटर अशा आठ गटांत होणार असून या स्पर्धेची तयारी पूर्ण झाली आहे.
या स्पर्धेचा क्रीडारसिकांनी लाभ घ्यावा, असे आवाहन आमदार प्रशांत ठाकूर, रामशेठ ठाकूर इंटरनॅशनल स्पोर्ट्स कॉम्प्लेक्सचे चेअरमन परेश ठाकूर, जनरल सेक्रेटरी वाय.टी. देशमुख, खारघर भाजपचे अध्यक्ष प्रवीण पाटील, खारघर रेसिडन्स वेलफेअर असोसिएशनचे अध्यक्ष अमर उपाध्याय, चेअरमन ब्रिजेश पटेल यांनी केले आहे.
– बक्षिसांचा तपशिल –
पुरुष खुला गट (फक्त रायगड जिल्हा) अंतर 10 किलोमीटर
प्रथम क्रमांक 25 हजार रुपये, द्वितीय क्रमांक 15 हजार रुपये, तृतीय क्रमांक 10 हजार रुपये, उत्तेजनार्थ सात स्पर्धकांना प्रत्येकी एक हजार रुपये तसेच सर्व विजेत्यांना ट्रॅक सूट.
महिला खुला गट (फक्त रायगड जिल्हा) अंतर 10 किलोमीटर
प्रथम क्रमांक 25 हजार रुपये, द्वितीय क्रमांक 15 हजार रुपये, तृतीय क्रमांक 10 हजार रुपये, उत्तेजनार्थ सात स्पर्धकांना प्रत्येकी एक हजार रुपये तसेच सर्व विजेत्यांना ट्रॅक सूट.
17 वर्षाखालील मुले गट (फक्त रायगड जिल्हा) अंतर पाच किलोमीटर
प्रथम क्रमांक पाच हजार रुपये, द्वितीय क्रमांक तीन हजार रुपये, तृतीय क्रमांक दोन हजार रुपये तसेच दहा उत्तेजनार्थ स्पर्धकांना प्रत्येकी एक हजार रुपये.
17 वर्षाखालील मुली गट (फक्त रायगड जिल्हा) अंतर पाच किलोमीटर
प्रथम क्रमांक पाच हजार रुपये, द्वितीय क्रमांक तीन हजार रुपये, तृतीय क्रमांक दोन हजार रुपये तसेच दहा उत्तेजनार्थ स्पर्धकांना प्रत्येकी एक हजार रुपये.
14 वर्षाखालील मुले गट (फक्त रायगड जिल्हा) अंतर पाच किलोमीटर
प्रथम क्रमांक पाच हजार रुपये, द्वितीय क्रमांक तीन हजार रुपये, तृतीय क्रमांक दोन हजार रुपये तसेच दहा उत्तेजनार्थ स्पर्धकांना प्रत्येकी एक हजार रुपये.
14 वर्षाखालील मुली गट (फक्त रायगड जिल्हा) अंतर पाच किलोमीटर
प्रथम क्रमांक पाच हजार रुपये, द्वितीय क्रमांक तीन हजार रुपये, तृतीय क्रमांक दोन हजार रुपये तसेच दहा उत्तेजनार्थ स्पर्धकांना प्रत्येकी एक हजार रुपये.
विशेष आकर्षण खारघर दौड (अंतर तीन किलोमीटर)
स्पर्धा पूर्ण करणार्‍या प्रत्येक स्पर्धकाला आकर्षक मेडल.
सिनिअर सिटीझन दौड (अंतर दोन किलोमीटर)
प्रथम क्रमांक पाच हजार रुपये, द्वितीय क्रमांक तीन हजार रुपये, तृतीय क्रमांक दोन हजार रुपये तसेच सात उत्तेजनार्थ स्पर्धकांना प्रत्येकी एक हजार रुपये.

Check Also

तापमानवाढीमुळे महायुतीच्या कार्यकर्त्यांनी प्रचारादरम्यान काळजी घ्यावी -खासदार श्रीरंग बारणे

कर्जत : प्रतिनिधी मावळ लोकसभा मतदारसंघातील शिवसेना, भाजप, राष्ट्रवादी, मनसे, आरपीआय, रासप व मित्रपक्ष महायुतीचे …

Leave a Reply