भाजप मुरूड तालुका उपाध्यक्षपदी समीर शिंदे

मुरूड जंजिरा ः प्रतिनिधी

भारतीय जनता पार्टीच्या मुरुड तालुका उपाध्यक्षपदी उसरोली ग्रामपंचायत हद्दीमध्ये राहणारे तरुण व उमदे कार्यकर्ते समीर शिंदे यांची निवड करण्यात आली आहे. मुरुड तालुका भाजप कार्यकारिणीच्या सभेत ही निवड करण्यात आली. यावेळी अलिबाग-मुरुड विधानसभा अध्यक्ष अ‍ॅड. महेश मोहिते यांच्या हस्ते त्यांना नियुक्तीपत्र देण्यात आले. या वेळी तालुका अध्यक्ष जयवंत अंबाजी, मुरुड शहर अध्यक्ष प्रवीण बैकर, सुरेश म्हात्रे व असंख्य कार्यकर्ते उपस्थित होते. समीर शिंदे यांची या पदावर नियुक्ती केल्याने  उसरोली, मजगाव, नांदगाव या भागातील कार्यकर्त्यांनी समाधान व्यक्त केले आहे.